मौजूद जो साक़ी है तो फिर क्या नहीं मिलता
हम उस के हैं क्या साग़र-ओ-मीना नहीं मिलता
ये अश्क का क़तरा है मिरे दीदा-ए-तर का
ऐसा तो कभी गौहर-ए-यकता नहीं मिलता
क्या ख़ाक नज़र आए सर-ए-तूर भला अब
इस आँख का अब कोई भी मूसा नहीं मिलता
क्यों छानते हैं ख़ाक बयाबान की आशिक़
मजनूँ की तरह नाक़ा-ए-लैला नहीं मिलता
अपने को अगर है तो ख़ुदा पर है भरोसा
दुनिया में कोई और सहारा नहीं मिलता
मूसा ही रहे हाए न वो तूर है बाक़ी
ऐ आँख कहीं अब वो तजल्ला नहीं मिलता
इस आलम-ए-तकवीं में अयाँ जल्वे हैं लेकिन
अब कोई इन्हें देखने वाला नहीं मिलता
हर ज़र्रे में है नूर चमकता हुआ उस का
लेकिन कोई अब महव-ए-तमाशा नहीं मिलता
निय्यत है अगर ख़ैर तो फिर इस को कमी क्या
इंसान को क्या रुतबा-ए-आली नहीं मिलता
माँगे जो ब-इख़्लास कोई अपने ख़ुदा से
क्या चीज़ नहीं देता वो क्या क्या नहीं मिलता
ऐ 'शाद' अगर दर्द-ए-मोहब्बत नहीं दिल में
ये बात रहे याद मसीहा नहीं मिलता
maujūd jo saaqī hai to phir kyā nahīñ miltā
ham us ke haiñ kyā sāġhar-o-mīnā nahīñ miltā
ye ashk kā qatra hai mire dīda-e-tar kā
aisā to kabhī gauhar-e-yaktā nahīñ miltā
kyā ḳhaak nazar aa.e sar-e-tūr bhalā ab
is aañkh kā ab koī bhī muusā nahīñ miltā
kyoñ chhānte haiñ ḳhaak bayābān kī āshiq
majnūñ kī tarah nāqa-e-lailā nahīñ miltā
apne ko agar hai to ḳhudā par hai bharosa
duniyā meñ koī aur sahārā nahīñ miltā
muusā hī rahe haa.e na vo tuur hai baaqī
ai aañkh kahīñ ab vo tajallā nahīñ miltā
is ālam-e-takvīñ meñ ayaañ jalve haiñ lekin
ab koī inheñ dekhne vaalā nahīñ miltā
har zarre meñ hai nuur chamaktā huā us kā
lekin koī ab mahv-e-tamāshā nahīñ miltā
niyyat hai agar ḳhair to phir is ko kamī kyā
insān ko kyā rutba-e-ālī nahīñ miltā
māñge jo ba-iḳhlās koī apne ḳhudā se
kyā chiiz nahīñ detā vo kyā kyā nahīñ miltā
ai 'shād' agar dard-e-mohabbat nahīñ dil meñ
ye baat rahe yaad masīhā nahīñ miltā
موجود جو ساقی ہے تو پھر کیا نہیں ملتا
ہم اس کے ہیں کیا ساغر و مینا نہیں ملتا
یہ اشک کا قطرہ ہے مرے دیدۂ تر کا
ایسا تو کبھی گوہر یکتا نہیں ملتا
کیا خاک نظر آئے سر طور بھلا اب
اس آنکھ کا اب کوئی بھی موسیٰ نہیں ملتا
کیوں چھانتے ہیں خاک بیابان کی عاشق
مجنوں کی طرح ناقۂ لیلیٰ نہیں ملتا
اپنے کو اگر ہے تو خدا پر ہے بھروسہ
دنیا میں کوئی اور سہارا نہیں ملتا
موسیٰ ہی رہے ہائے نہ وہ طور ہے باقی
اے آنکھ کہیں اب وہ تجلیٰ نہیں ملتا
اس عالم تکویں میں عیاں جلوے ہیں لیکن
اب کوئی انہیں دیکھنے والا نہیں ملتا
ہر ذرے میں ہے نور چمکتا ہوا اس کا
لیکن کوئی اب محو تماشا نہیں ملتا
نیت ہے اگر خیر تو پھر اس کو کمی کیا
انسان کو کیا رتبۂ عالی نہیں ملتا
مانگے جو بہ اخلاص کوئی اپنے خدا سے
کیا چیز نہیں دیتا وہ کیا کیا نہیں ملتا
اے شادؔ اگر درد محبت نہیں دل میں
یہ بات رہے یاد مسیحا نہیں ملتا