मस्तों पे उँगलियाँ न उठाओ बहार में
देखो तो होश है भी किसी होश्यार में
कुछ मोहतसिब का ख़ौफ़ है कुछ शैख़ का लिहाज़
पीता हूँ छुप के दामन-ए-अब्र-ए-बहार में
वो सामने धरी है सुराही भरी हुई
दोनों जहाँ हैं आज मिरे इख़्तियार में
अल्लाह बात क्या है कि दीवानगी मिरी
दीवानगी नहीं नज़र-ए-होशियार में
झूटी तसल्लियों से न बहलाओ जाओ जाओ
जाओ कि तुम नहीं हो मिरे इख़्तियार में
हूँ वादी-ए-हयात में इस तरह सुस्त-गाम
जैसे हो पा-शिकस्ता कोई ख़ार-ज़ार में
अब वो सुकून-ए-यास न वो इज़्तिराब-ए-शौक़
सीने में दिल है या कोई लाशा मज़ार में
अब ख़ाक उड़ाइए न हमारे मज़ार की
अब ख़ाक भी नहीं है हमारे मज़ार में
तन्हाई-ए-फ़िराक़ में उम्मीद बार-हा
गुम हो गई सुकूत के हंगामा-ज़ार में
वो अंदलीब-ए-गुलशन-ए-मअ'नी हूँ मैं 'हफ़ीज़'
सोज़-ए-सुख़न से आग लगा दूँ बहार में
mastoñ pe uñgliyāñ na uThāo bahār meñ
dekho to hosh hai bhī kisī hoshyār meñ
kuchh mohtasib kā ḳhauf hai kuchh shaiḳh kā lihāz
piitā huuñ chhup ke dāman-e-abr-e-bahār meñ
vo sāmne dharī hai surāhī bharī huī
donoñ jahāñ haiñ aaj mire iḳhtiyār meñ
allāh baat kyā hai ki dīvāngī mirī
dīvāngī nahīñ nazar-e-hoshiyār meñ
jhūTī tasalliyoñ se na bahlāo jaao jaao
jaao ki tum nahīñ ho mire iḳhtiyār meñ
huuñ vādī-e-hayāt meñ is tarah sust-e-gām
jaise ho pā-shikasta koī ḳhār-zār meñ
ab vo sukūn-e-yās na vo iztirāb-e-shauq
siine meñ dil hai yā koī lāsha mazār meñ
ab ḳhaak uḌā.iye na hamāre mazār kī
ab ḳhaak bhī nahīñ hai hamāre mazār meñ
tanhā.ī-e-firāq meñ ummīd bār-hā
gum ho ga.ī sukūt ke hañgāma-zār meñ
vo andalīb-e-gulshan-e-ma.anī huuñ maiñ 'hafīz'
soz-e-suḳhan se aag lagā duuñ bahār meñ
مستوں پہ انگلیاں نہ اٹھاؤ بہار میں
دیکھو تو ہوش ہے بھی کسی ہوشیار میں
کچھ محتسب کا خوف ہے کچھ شیخ کا لحاظ
پیتا ہوں چھپ کے دامن ابر بہار میں
وہ سامنے دھری ہے صراحی بھری ہوئی
دونوں جہاں ہیں آج مرے اختیار میں
اللہ بات کیا ہے کہ دیوانگی مری
دیوانگی نہیں نظر ہوشیار میں
جھوٹی تسلیوں سے نہ بہلاؤ جاؤ جاؤ
جاؤ کہ تم نہیں ہو مرے اختیار میں
ہوں وادیٔ حیات میں اس طرح سست گام
جیسے ہو پا شکستہ کوئی خار زار میں
اب وہ سکون یاس نہ وہ اضطراب شوق
سینے میں دل ہے یا کوئی لاشہ مزار میں
اب خاک اڑائیے نہ ہمارے مزار کی
اب خاک بھی نہیں ہے ہمارے مزار میں
تنہائی فراق میں امید بارہا
گم ہو گئی سکوت کے ہنگامہ زار میں
وہ عندلیب گلشن معنی ہوں میں حفیظؔ
سوز سخن سے آگ لگا دوں بہار میں