मसाफ़तें कब गुमान में थीं सफ़र से आगे
निकल गए अपनी धुन में उस के नगर से आगे
शजर से इक उम्र की रिफ़ाक़त के सिलसिले हैं
निगाह अब देखती है बर्ग ओ समर से आगे
ये दिल शब ओ रोज़ उस की गलियों में घूमता है
वो शहर जो बस रहा है दश्त-ए-नज़र से आगे
ख़जिल ख़यालों की भीड़ हैरत से तक रही है
गुज़र गया रह-रव-ए-तमन्ना किधर से आगे
तिलिस्म-ए-अक्स-ओ-सदा से निकले तो दिल ने जाना
ये हर्फ़ कुछ कह रहे हैं अर्ज़-ए-हुनर से आगे
निसार उन साअतों पे सदियों के सहर 'आली'
जिए हैं जिन के जिलो में शाम ओ सहर से आगे
masāfateñ kab gumān meñ thiiñ safar se aage
nikal ga.e apnī dhun meñ us ke nagar se aage
shajar se ik umr kī rifāqat ke silsile haiñ
nigāh ab dekhtī hai barg o samar se aage
ye dil shab o roz us kī galiyoñ meñ ghūmtā hai
vo shahr jo bas rahā hai dasht-e-nazar se aage
ḳhajil ḳhayāloñ kī bhiiḌ hairat se tak rahī hai
guzar gayā rah-rav-e-tamannā kidhar se aage
tilism-e-aks-o-sadā se nikle to dil ne jaanā
ye harf kuchh kah rahe haiñ arz-e-hunar se aage
nisār un sā.atoñ pe sadiyoñ ke sahar 'ālī'
jiye haiñ jin ke jilo meñ shaam o sahar se aage
مسافتیں کب گمان میں تھیں سفر سے آگے
نکل گئے اپنی دھن میں اس کے نگر سے آگے
شجر سے اک عمر کی رفاقت کے سلسلے ہیں
نگاہ اب دیکھتی ہے برگ و ثمر سے آگے
یہ دل شب و روز اس کی گلیوں میں گھومتا ہے
وہ شہر جو بس رہا ہے دشت نظر سے آگے
خجل خیالوں کی بھیڑ حیرت سے تک رہی ہے
گزر گیا رہرو تمنا کدھر سے آگے
طلسم عکس و صدا سے نکلے تو دل نے جانا
یہ حرف کچھ کہہ رہے ہیں عرض ہنر سے آگے
نثار ان ساعتوں پہ صدیوں کے سحر عالؔی
جئے ہیں جن کے جلو میں شام و سحر سے آگے