मरहला तय कोई बे-मिन्नत-ए-जादा भी तो हो
ग़म बढ़े भी तो सही दर्द ज़ियादा भी तो हो
ऐसी मुश्किल तो नहीं दश्त-ए-वफ़ा की तस्ख़ीर
सर में सौदा भी तो हो दिल में इरादा भी तो हो
ज़ेहन का मश्वरा-ए-तर्क-ए-तलब भी बर-हक़
ज़ेहन की बात क़ुबूल-ए-दिल-ए-सादा भी तो हो
कहीं बादल कहीं सूरज कहीं साया कहीं धूप
मिरे माबूद तिरा कोई लबादा भी तो हो
प्यार में कम तो नहीं कम-निगही भी उस की
हाँ तुनक-ज़र्फ़ी-ए-एहसास कुशादा भी तो हो
आशिक़ी सरमद-ओ-मंसूर से कुछ ख़ास नहीं
मस्त लेकिन कोई बे-ज़हमत-ए-बादा भी तो हो
ज़र्फ़-ए-ईज़ा-तलबी ग़म भी परख लें 'गौहर'
उस से इक रोज़ न मिलने का इरादा भी तो हो
marhala tai koī be-minnat-e-jāda bhī to ho
ġham baḌhe bhī to sahī dard ziyāda bhī to ho
aisī mushkil to nahīñ dasht-e-vafā kī tasḳhīr
sar meñ saudā bhī to ho dil meñ irāda bhī to ho
zehn kā mashvara-e-tark-e-talab bhī bar-haq
zehn kī baat qubūl-e-dil-e-sāda bhī to ho
kahīñ bādal kahīñ sūraj kahīñ saaya kahīñ dhuup
mire ma.abūd tirā koī labāda bhī to ho
pyaar meñ kam to nahīñ kam-nigahī bhī us kī
haañ tunak-zarfī-e-ehsās kushāda bhī to ho
āshiqī sarmad-o-mansūr se kuchh ḳhaas nahīñ
mast lekin koī be-zahmat-e-bāda bhī to ho
zarf-e-īzā-talabī ġham bhī parakh leñ 'gauhar'
us se ik roz na milne kā irāda bhī to ho
مرحلہ طے کوئی بے منت جادہ بھی تو ہو
غم بڑھے بھی تو سہی درد زیادہ بھی تو ہو
ایسی مشکل تو نہیں دشت وفا کی تسخیر
سر میں سودا بھی تو ہو دل میں ارادہ بھی تو ہو
ذہن کا مشورۂ ترک طلب بھی برحق
ذہن کی بات قبول دل سادہ بھی تو ہو
کہیں بادل کہیں سورج کہیں سایہ کہیں دھوپ
مرے معبود ترا کوئی لبادہ بھی تو ہو
پیار میں کم تو نہیں کم نگہی بھی اس کی
ہاں تنک ظرفیٔ احساس کشادہ بھی تو ہو
عاشقی سرمد و منصور سے کچھ خاص نہیں
مست لیکن کوئی بے زحمت بادہ بھی تو ہو
ظرف ایذا طلبی غم بھی پرکھ لیں گوہرؔ
اس سے اک روز نہ ملنے کا ارادہ بھی تو ہو