मंज़र-ए-वक़्त की यकसानी में बैठा हुआ हूँ
रात दिन एक सी वीरानी में बैठा हुआ हूँ
कोई सामान-ए-सफ़र है न मसाफ़त दर-पेश
मुतमइन बे-सर-ओ-सामानी में बैठा हुआ हूँ
कभी नायाफ़्त का है तो कभी कम-याफ़्त का ग़म
वज्ह-बे-वज्ह परेशानी में बैठा हुआ हूँ
कार-ए-दुश्वार है आग़ाज़ से मुंकिर जब तक
कार-ए-बे-कार की आसानी में बैठा हुआ हूँ
कल कहीं रफ़्ता में था हाल की हैरत का असीर
अब किसी फ़र्दा की हैरानी में बैठा हुआ हूँ
ख़ैर हम-ज़ाद मिरा दूर तमाशाई है
शर हूँ और फ़ितरत-ए-इंसानी में बैठा हुआ हूँ
जिस्म हूँ और नफ़स ठहरा है ज़ामिन मेरा
साअत-ए-उम्र की निगरानी में बैठा हुआ हूँ
एक बाज़ार-ए-तिलिस्मात है जिस के अंदर
जेब-ए-ख़ाली तिरी अर्ज़ानी में बैठा हुआ हूँ
रेग-ता-रेग हूँ फैला हुआ सहरा की तरह
और सराबों की फ़रावानी में बैठा हुआ हूँ
ऐसा सन्नाटा है आवाज़ से हौल आता है
इक बयाबाँ सा बयाबानी में बैठा हुआ हूँ
न मैं बिल्क़ीस कि हो शहर-ए-सबा की ख़्वाहिश
न ग़म-ए-तख़्त-ए-सुलैमानी में बैठा हुआ हूँ
manzar-e-vaqt kī yaksānī meñ baiThā huā huuñ
raat din ek sī vīrānī meñ baiThā huā huuñ
koī sāmān-e-safar hai na masāfat dar-pesh
mutma.in be-sar-o-sāmānī meñ baiThā huā huuñ
kabhī nāyāft kā hai to kabhī kam-yāft kā ġham
vaj.h-be-vaj.h pareshānī meñ baiThā huā huuñ
kār-e-dushvār hai āġhāz se munkir jab tak
kār-e-be-kār kī āsānī meñ baiThā huā huuñ
kal kahīñ rafta meñ thā haal kī hairat kā asiir
ab kisī fardā kī hairānī meñ baiThā huā huuñ
ḳhair ham-zād mirā duur tamāshā.ī hai
shar huuñ aur fitrat-e-insānī meñ baiThā huā huuñ
jism huuñ aur nafas Thahrā hai zāmin merā
sā.at-e-umr kī nigrānī meñ baiThā huā huuñ
ek bāzār-e-tilismāt hai jis ke andar
jeb-e-ḳhālī tirī arzānī meñ baiThā huā huuñ
reg-tā-reg huuñ phailā huā sahrā kī tarah
aur sarāboñ kī farāvānī meñ baiThā huā huuñ
aisā sannāTā hai āvāz se haul aatā hai
ik bayābāñ sā bayābānī meñ baiThā huā huuñ
na maiñ bilqīs ki ho shahr-e-sabā kī ḳhvāhish
na ġham-e-taḳht-e-sulaimānī meñ baiThā huā huuñ
منظر وقت کی یکسانی میں بیٹھا ہوا ہوں
رات دن ایک سی ویرانی میں بیٹھا ہوا ہوں
کوئی سامان سفر ہے نہ مسافت در پیش
مطمئن بے سر و سامانی میں بیٹھا ہوا ہوں
کبھی نایافت کا ہے تو کبھی کم یافت کا غم
وجہ بے وجہ پریشانی میں بیٹھا ہوا ہوں
کار دشوار ہے آغاز سے منکر جب تک
کار بے کار کی آسانی میں بیٹھا ہوا ہوں
کل کہیں رفتہ میں تھا حال کی حیرت کا اسیر
اب کسی فردا کی حیرانی میں بیٹھا ہوا ہوں
خیر ہم زاد مرا دور تماشائی ہے
شر ہوں اور فطرت انسانی میں بیٹھا ہوا ہوں
جسم ہوں اور نفس ٹھہرا ہے ضامن میرا
ساعت عمر کی نگرانی میں بیٹھا ہوا ہوں
ایک بازار طلسمات ہے جس کے اندر
جیب خالی تری ارزانی میں بیٹھا ہوا ہوں
ریگ تا ریگ ہوں پھیلا ہوا صحرا کی طرح
اور سرابوں کی فراوانی میں بیٹھا ہوا ہوں
ایسا سناٹا ہے آواز سے ہول آتا ہے
اک بیاباں سا بیابانی میں بیٹھا ہوا ہوں
نہ میں بلقیس کہ ہو شہر سبا کی خواہش
نہ غم تخت سلیمانی میں بیٹھا ہوا ہوں