मजाज़ ऐन-ए-हक़ीक़त है बा-सफ़ा के लिए
बुतों को देख रहा हूँ मगर ख़ुदा के लिए
असर में हो गए क्यूँ सात आसमाँ हाएल
अभी तो हाथ उठे ही नहीं दुआ के लिए
हुआ बस एक ही नाले में दम फ़ना अपना
ये ताज़ियाना था उम्र-ए-गुरेज़-पा के लिए
इलाही एक ग़म-ए-रोज़गार क्या कम था
कि इश्क़ भेज दिया जान-ए-मुब्तला के लिए
हमें तो दावर-ए-महशर को छोड़ते ही बनी
ख़ता-ए-इश्क़ न काफ़ी हुई सज़ा के लिए
उसी को राह दिखाता हूँ जो मिटाए मुझे
मैं हूँ तो नूर मगर चश्म-ए-नक़श-ए-पा के लिए
ये जानता हूँ कि है निस्फ़ शब मगर साक़ी
ज़रा सी चाहिए इक मर्द-ए-पारसा के लिए
इलाही तेरे करम से मिले मय ओ माशूक़
अब इल्तिजा है बरसती हुई घटा के लिए
'हफ़ीज़' आज़िम-ए-काबा हुआ है जाने दो
अब उस पे रहम करो ऐ बुतो ख़ुदा के लिए
majāz ain-e-haqīqat hai bā-safā ke liye
butoñ ko dekh rahā huuñ magar ḳhudā ke liye
asar meñ ho ga.e kyuuñ saat āsmāñ haa.el
abhī to haath uThe hī nahīñ duā ke liye
huā bas ek hī naale meñ dam fanā apnā
ye tāziyāna thā umr-e-gurez-pā ke liye
ilāhī ek ġham-e-rozgār kyā kam thā
ki ishq bhej diyā jān-e-mubtalā ke liye
hameñ to dāvar-e-mahshar ko chhoḌte hī banī
ḳhatā-e-ishq na kaafī huī sazā ke liye
usī ko raah dikhātā huuñ jo miTā.e mujhe
maiñ huuñ to nuur magar chashm-e-naqsh-e-pā ke liye
ye jāntā huuñ ki hai nisf shab magar saaqī
zarā sī chāhiye ik mard-e-pārsā ke liye
ilāhī tere karam se mile mai o ma.ashūq
ab iltijā hai barastī huī ghaTā ke liye
'hafīz' āzim-e-ka.aba huā hai jaane do
ab us pe rahm karo ai buto ḳhudā ke liye
مجاز عین حقیقت ہے با صفا کے لیے
بتوں کو دیکھ رہا ہوں مگر خدا کے لیے
اثر میں ہو گئے کیوں سات آسماں حائل
ابھی تو ہاتھ اٹھے ہی نہیں دعا کے لیے
ہوا بس ایک ہی نالے میں دم فنا اپنا
یہ تازیانہ تھا عمر گریز پا کے لیے
الٰہی ایک غم روزگار کیا کم تھا
کہ عشق بھیج دیا جان مبتلا کے لیے
ہمیں تو داور محشر کو چھوڑتے ہی بنی
خطائے عشق نہ کافی ہوئی سزا کے لیے
اسی کو راہ دکھاتا ہوں جو مٹائے مجھے
میں ہوں تو نور مگر چشم نقش پا کے لیے
یہ جانتا ہوں کہ ہے نصف شب مگر ساقی
ذرا سی چاہیئے اک مرد پارسا کے لیے
الٰہی تیرے کرم سے ملے مے و معشوق
اب التجا ہے برستی ہوئی گھٹا کے لیے
حفیظؔ عازم کعبہ ہوا ہے جانے دو
اب اس پہ رحم کرو اے بتو خدا کے لیے