मैं वक़्त की आबजू से आगे निकल गया हूँ
सो दहर की हा-ओ-हू से आगे निकल गया हूँ
मैं बे-शरीअ'त तहारतों की तलाश में था
मैं बा-शरीअ'त वुज़ू से आगे निकल गया हूँ
तू जानता है कि मेरा विज्दान वज्द में है
तू जानता है मैं तू से आगे निकल गया हूँ
मैं रक़्स करते हुए तहज्जुद की साअ'तों में
इबादतों के ग़ुलू से आगे निकल गया हूँ
न-जाने किस काएनात में पावँ रख दिए हैं
मैं रात-दिन की नुमू से आगे निकल गया हूँ
अबस हैं सब आलम-ए-तहय्युर मिरी नज़र में
मैं आलम-ए-जुस्तुजू से आगे निकल गया हूँ
मैं इस जहान-ए-क़बा-दरीदा का बख़िया-गर था
मगर मैं कार-ए-रफ़ू से आगे निकल गया हूँ
मुझे नई शक्ल की ज़मीं पर है बात करनी
मैं बैज़वी गुफ़्तुगू से आगे निकल गया हूँ
मिरी अजल की भी मौत ईजाद हो गई है
मैं साँस लेते लहू से आगे निकल गया हूँ
मुझे नहीं अपने रख़्त-ए-हस्ती की फ़िक्र 'वासिफ़'
मैं हस्त की आरज़ू से आगे निकल गया हूँ
maiñ vaqt kī aabjū se aage nikal gayā huuñ
so dahr kī hā-o-hū se aage nikal gayā huuñ
maiñ be-sharī.at tahāratoñ kī talāsh meñ thā
maiñ bā-sharī.at vuzū se aage nikal gayā huuñ
tū jāntā hai ki merā vijdān vajd meñ hai
tū jāntā hai maiñ tū se aage nikal gayā huuñ
maiñ raqs karte hue tahajjud kī sā.atoñ meñ
ibādatoñ ke ġhulū se aage nikal gayā huuñ
na-jāne kis kā.enāt meñ paaoñ rakh diye haiñ
maiñ rāt-din kī numū se aage nikal gayā huuñ
abas haiñ sab ālam-e-tahayyur mirī nazar meñ
maiñ ālam-e-justujū se aage nikal gayā huuñ
maiñ is jahān-e-qabā-darīda kā baḳhiya-gar thā
magar maiñ kār-e-rafū se aage nikal gayā huuñ
mujhe na.ī shakl kī zamīñ par hai baat karnī
maiñ baizavī guftugū se aage nikal gayā huuñ
mirī ajal kī bhī maut ījād ho ga.ī hai
maiñ saañs lete lahū se aage nikal gayā huuñ
mujhe nahīñ apne raḳht-e-hastī kī fikr 'vāsif'
maiñ hast kī aarzū se aage nikal gayā huuñ
میں وقت کی آب جو سے آگے نکل گیا ہوں
سو دہر کی ہا و ہو سے آگے نکل گیا ہوں
میں بے شریعت طہارتوں کی تلاش میں تھا
میں با شریعت وضو سے آگے نکل گیا ہوں
تو جانتا ہے کہ میرا وجدان وجد میں ہے
تو جانتا ہے میں تو سے آگے نکل گیا ہوں
میں رقص کرتے ہوئے تہجد کی ساعتوں میں
عبادتوں کے غلو سے آگے نکل گیا ہوں
نہ جانے کس کائنات میں پاؤں رکھ دیے ہیں
میں رات دن کی نمو سے آگے نکل گیا ہوں
عبث ہیں سب عالم تحیر مری نظر میں
میں عالم جستجو سے آگے نکل گیا ہوں
میں اس جہان قبا دریدہ کا بخیہ گر تھا
مگر میں کار رفو سے آگے نکل گیا ہوں
مجھے نئی شکل کی زمیں پر ہے بات کرنی
میں بیضوی گفتگو سے آگے نکل گیا ہوں
مری اجل کی بھی موت ایجاد ہو گئی ہے
میں سانس لیتے لہو سے آگے نکل گیا ہوں
مجھے نہیں اپنے رخت ہستی کی فکر واصفؔ
میں ہست کی آرزو سے آگے نکل گیا ہوں