मैं रेत का महल हूँ मिरे पासबाँ दरख़्त
सीने पे रोक लेते हैं सब आँधियाँ दरख़्त
देखे गए थे जिस के तले दो जवाँ बदन
लोगों ने टुकड़े टुकड़े किया वो जवाँ दरख़्त
ढूँडेंगे अब परिंद कहाँ शाम को पनाह
जंगल की आग खा गई सब डालियाँ दरख़्त
फलदार था तो गाँव उसे पूजता रहा
सूखा तो क़त्ल हो गया वो बे-ज़बाँ दरख़्त
सूरज था दुख का सर पे कि थीं ग़म की बारिशें
दश्त-ए-सफ़र में मेरे बने साएबाँ दरख़्त
कैसी हवा चली है कि फिर चीख़ चीख़ कर
सब को सुना गए हैं मिरी दास्ताँ दरख़्त
सौ बार मेरे जिस्म को छू कर गई बहार
फिर भी हूँ 'अश्क' सूखा हुआ नीम-जाँ दरख़्त
maiñ ret kā mahal huuñ mire pāsbāñ daraḳht
siine pe rok lete haiñ sab āñdhiyāñ daraḳht
dekhe ga.e the jis ke tale do javāñ badan
logoñ ne TukḌe TukḌe kiyā vo javāñ daraḳht
DhūñDeñge ab parind kahāñ shaam ko panāh
jañgal kī aag khā ga.ī sab Dāliyāñ daraḳht
phaldār thā to gaañv use pūjtā rahā
sūkhā to qatl ho gayā vo be-zabāñ daraḳht
sūraj thā dukh kā sar pe ki thiiñ ġham kī bārisheñ
dasht-e-safar meñ mere bane sā.ebāñ daraḳht
kaisī havā chalī hai ki phir chīḳh chīḳh kar
sab ko sunā ga.e haiñ mirī dāstāñ daraḳht
sau baar mere jism ko chhū kar ga.ī bahār
phir bhī huuñ 'ashk' sūkhā huā nīm-jāñ daraḳht
میں ریت کا محل ہوں مرے پاسباں درخت
سینے پہ روک لیتے ہیں سب آندھیاں درخت
دیکھے گئے تھے جس کے تلے دو جواں بدن
لوگوں نے ٹکڑے ٹکڑے کیا وہ جواں درخت
ڈھونڈیں گے اب پرند کہاں شام کو پناہ
جنگل کی آگ کھا گئی سب ڈالیاں درخت
پھل دار تھا تو گاؤں اسے پوجتا رہا
سوکھا تو قتل ہو گیا وہ بے زباں درخت
سورج تھا دکھ کا سر پہ کہ تھیں غم کی بارشیں
دشت سفر میں میرے بنے سائباں درخت
کیسی ہوا چلی ہے کہ پھر چیخ چیخ کر
سب کو سنا گئے ہیں مری داستاں درخت
سو بار میرے جسم کو چھو کر گئی بہار
پھر بھی ہوں اشکؔ سوکھا ہوا نیم جاں درخت