मैं ने इक आवाज़ सुनी थी कमरे में ख़ामोशी की
मेरे कान में आ कर तेरी यादों ने सरगोशी की
कुछ तो घर का रस्ता मैं भी अपनी धुन में भूल गया
और नशीली आँखों ने भी तारी कुछ मद-होशी की
हम ने फूलों से मिसरों को ख़ून-ए-दिल से यूँ सींचा
सारी उम्र ही ख़ुशबू बाँटी हम ने इत्र-फ़रोशी की
अपनों ने राज़ों की गठड़ी बीच चौराहे में रख दी
लोगों ने तो बात उछाली रब ने पर्दा-पोशी की
कितने ही अन-देखे मंज़र मुझ से बातें करते हैं
जब भी ग़ज़लें पढ़ता हूँ मैं 'साग़र' 'मोहसिन' 'दोषी' की
हम ने सोचा और धुएँ ने ख़द्द-ओ-ख़ाल बना डाले
हम ने तेरा हिज्र मनाया खुल कर सिगरेट-नोशी की
ख़्वाबों की दुनिया से 'आसिफ़' अब तो बाहर आ जाओ
तपता सूरज सर पर है और बातें राका-पोशी की
maiñ ne ik āvāz sunī thī kamre meñ ḳhāmoshī kī
mere kaan meñ aa kar terī yādoñ ne sargoshī kī
kuchh to ghar kā rasta maiñ bhī apnī dhun meñ bhuul gayā
aur nashīlī āñkhoñ ne bhī taarī kuchh mad.hoshī kī
ham ne phūloñ se misroñ ko ḳhūn-e-dil se yuuñ sīñchā
saarī umr hī ḳhushbū bāñTī ham ne itr-faroshī kī
apnoñ ne rāzoñ kī gaThḌī biich chaurāhe meñ rakh dī
logoñ ne to baat uchhālī rab ne parda-poshī kī
kitne hī an-dekhe manzar mujh se bāteñ karte haiñ
jab bhī ġhazleñ paḌhtā huuñ maiñ 'sāġhar' 'mohsin' 'doshī' kī
ham ne sochā aur dhueñ ne ḳhadd-o-ḳhāl banā Daale
ham ne terā hijr manāyā khul kar cigarette-noshī kī
ḳhvāboñ kī duniyā se 'āsif' ab to bāhar aa jaao
taptā sūraj sar par hai aur bāteñ rākā-poshī kī
میں نے اک آواز سنی تھی کمرے میں خاموشی کی
میرے کان میں آ کر تیری یادوں نے سرگوشی کی
کچھ تو گھر کا رستہ میں بھی اپنی دھن میں بھول گیا
اور نشیلی آنکھوں نے بھی طاری کچھ مدہوشی کی
ہم نے پھولوں سے مصرعوں کو خون دل سے یوں سینچا
ساری عمر ہی خوشبو بانٹی ہم نے عطر فروشی کی
اپنوں نے رازوں کی گٹھڑی بیچ چوراہے میں رکھ دی
لوگوں نے تو بات اچھالی رب نے پردہ پوشی کی
کتنے ہی ان دیکھے منظر مجھ سے باتیں کرتے ہیں
جب بھی غزلیں پڑھتا ہوں میں ساغرؔ محسنؔ دوشیؔ کی
ہم نے سوچا اور دھویں نے خد و خال بنا ڈالے
ہم نے تیرا ہجر منایا کھل کر سگریٹ نوشی کی
خوابوں کی دنیا سے آصفؔ اب تو باہر آ جاؤ
تپتا سورج سر پر ہے اور باتیں راکا پوشی کی