मैं जानता हूँ अगर मौत दरमियान न हो
ख़ुदा के नाम की का'बे में भी अज़ान न हो
अगर यक़ीं हो कि अब बे-निशाँ नहीं होना
किसी जबीं पे किसी फ़र्ज़ का निशान न हो
बराए-आदमी क़ाएम है दफ़्तर-ए-अफ़्लाक
जो वो न हो तो सितारों का ख़ानदान न हो
है आसमान फ़रिश्तों की सरज़मीन अगर
तो फिर ज़मीन कहीं उन का आसमान न हो
उसी की ज़ात पे खुलती है ज़ात सूरज की
कि जिस का धूप के महशर में साएबान न हो
महल बहिश्त में होने का क्या ये मतलब है
कि मेरे शहर में मेरा कोई मकान न हो
ख़ुदा के मुनकिरो बतलाओ क्या ये मुमकिन है
कि सुर्ख़ ऊँट हों और उन का सारबान न हो
ये सोच कर हैं परेशान क़िस्सा-गो 'वासिफ़'
जो दास्तान है आदम की दास्तान न हो
maiñ jāntā huuñ agar maut darmiyān na ho
ḳhudā ke naam kī kā'be meñ bhī azaan na ho
agar yaqīñ ho ki ab be-nishāñ nahīñ honā
kisī jabīñ pe kisī farz kā nishān na ho
barā.e-ādmī qaa.em hai daftar-e-aflāk
jo vo na ho to sitāroñ kā ḳhāndān na ho
hai āsmān farishtoñ kī sarzamīn agar
to phir zamīn kahīñ un kā āsmān na ho
usī kī zaat pe khultī hai zaat sūraj kī
ki jis kā dhuup ke mahshar meñ sā.ebān na ho
mahal bahisht meñ hone kā kyā ye matlab hai
ki mere shahr meñ merā koī makān na ho
ḳhudā ke munkiro batlāo kyā ye mumkin hai
ki surḳh uuñT hoñ aur un kā sārbān na ho
ye soch kar haiñ pareshān qissa-go 'vāsif'
jo dāstān hai aadam kī dāstān na ho
میں جانتا ہوں اگر موت درمیان نہ ہو
خدا کے نام کی کعبے میں بھی اذان نہ ہو
اگر یقیں ہو کہ اب بے نشاں نہیں ہونا
کسی جبیں پہ کسی فرض کا نشان نہ ہو
برائے آدمی قائم ہے دفتر افلاک
جو وہ نہ ہو تو ستاروں کا خاندان نہ ہو
ہے آسمان فرشتوں کی سرزمین اگر
تو پھر زمین کہیں ان کا آسمان نہ ہو
اسی کی ذات پہ کھلتی ہے ذات سورج کی
کہ جس کا دھوپ کے محشر میں سائبان نہ ہو
محل بہشت میں ہونے کا کیا یہ مطلب ہے
کہ میرے شہر میں میرا کوئی مکان نہ ہو
خدا کے منکرو بتلاؤ کیا یہ ممکن ہے
کہ سرخ اونٹ ہوں اور ان کا ساربان نہ ہو
یہ سوچ کر ہیں پریشان قصہ گو واصفؔ
جو داستان ہے آدم کی داستان نہ ہو