मैं चुप कम रहा और रोया ज़ियादा
यक़ीनन ज़मीं कम है दरिया ज़ियादा
शब-ए-वस्ल मुर्ग़-ए-सहर याद रखना
ज़बाँ काट लूँगा जो रोया ज़ियादा
मैं नाज़ुक-मिज़ाजी से वाक़िफ़ हूँ क़ासिद
इसी वज्ह ख़त में न लिक्खा ज़ियादा
दो बोसे लिए उस ने दो गालियाँ दीं
न लेना ज़ियादा न देना ज़ियादा
वो सैर-ए-चमन के लिए आ रहा है
अकड़ना न शमशाद इतना ज़ियादा
वो उतना ही बनता है हिर्स-ए-मुजस्सम
ख़ुदा जिस को देता है जितना ज़ियादा
अमल पर मुझे ए'तिमाद अपने कम है
ख़ुदा के करम पर भरोसा ज़ियादा
जो आँखें तिरे ख़ाक-ए-दर से हैं रौशन
मिलाया है शायद ममीरा ज़ियादा
मुझे उल्फ़त-ए-ज़ुल्फ़ जब से है 'परवीं'
बताते हैं वो जोश-ए-सौदा ज़ियादा
maiñ chup kam rahā aur royā ziyāda
yaqīnan zamīñ kam hai dariyā ziyāda
shab-e-vasl murġh-e-sahar yaad rakhnā
zabāñ kaaT lūñgā jo royā ziyāda
maiñ nāzuk-mizājī se vāqif huuñ qāsid
isī vaj.h ḳhat meñ na likkhā ziyāda
do bose liye us ne do gāliyāñ diiñ
na lenā ziyāda na denā ziyāda
vo sair-e-chaman ke liye aa rahā hai
akaḌnā na shamshād itnā ziyāda
vo utnā hī bantā hai hirs-e-mujassam
ḳhudā jis ko detā hai jitnā ziyāda
amal par mujhe e'timād apne kam hai
ḳhudā ke karam par bharosa ziyāda
jo āñkheñ tire ḳhāk-e-dar se haiñ raushan
milāyā hai shāyad mamīrā ziyāda
mujhe ulfat-e-zulf jab se hai 'parvīñ'
batāte haiñ vo josh-e-saudā ziyāda
میں چپ کم رہا اور رویا زیادہ
یقیناً زمیں کم ہے دریا زیادہ
شب وصل مرغ سحر یاد رکھنا
زباں کاٹ لوں گا جو رویا زیادہ
میں نازک مزاجی سے واقف ہوں قاصد
اسی وجہ خط میں نہ لکھا زیادہ
دو بوسے لئے اس نے دو گالیاں دیں
نہ لینا زیادہ نہ دینا زیادہ
وہ سیر چمن کے لئے آ رہا ہے
اکڑنا نہ شمشاد اتنا زیادہ
وہ اتنا ہی بنتا ہے حرص مجسم
خدا جس کو دیتا ہے جتنا زیادہ
عمل پر مجھے اعتماد اپنے کم ہے
خدا کے کرم پر بھروسہ زیادہ
جو آنکھیں ترے خاک در سے ہیں روشن
ملایا ہے شاید ممیرا زیادہ
مجھے الفت زلف جب سے ہے پرویںؔ
بتاتے ہیں وہ جوش سودا زیادہ