मैं बताऊँ इश्क़ क्या है एक पैहम इज़्तिराब
धीमी धीमी आँच कहिए या मुसलसल इल्तिहाब
रात वो आए थे चेहरे से नक़ाब उल्टे हुए
मैं तो हैराँ था निकल आया किधर से आफ़्ताब
दिल पे उन के रू-ए-रौशन का पड़ा है जब से अक्स
दिल नहीं है बल्कि सीने में है रौशन माहताब
उन के दीवानों का इस्तिक़बाल है दार-ओ-रसन
खिंच गया जो दार पर उन के लिए वो कामयाब
क्या मिरी हम्द-ओ-सना और क्या मिरा शुक्र-ओ-सिपास
उन के एहसाँ बे-शुमार और उन की ने'मत बे-हिसाब
रात का पिछ्ला पहर था और आँसू की झड़ी
मेरा दिल था शायद उन की बारगह में बारयाब
इश्क़ की दुनिया में ऐसे हादसों से क्या मफ़र
आया क़ासिद का जनाज़ा मेरे नामे का जवाब
ये महल मेरी तमन्नाओं का ऐ ‘अहमद-उरूज'
जैसे बच्चों का घरौंदा जैसे दीवाने का ख़्वाब
maiñ batā.ūñ ishq kyā hai ek paiham iztirāb
dhīmī dhīmī aañch kahiye yā musalsal iltihāb
raat vo aa.e the chehre se naqāb ulTe hue
maiñ to hairāñ thā nikal aayā kidhar se āftāb
dil pe un ke rū-e-raushan kā paḌā hai jab se aks
dil nahīñ hai balki siine meñ hai raushan māhtāb
un ke dīvānoñ kā istiqbāl hai dār-o-rasan
khiñch gayā jo daar par un ke liye vo kāmyāb
kyā mirī hamd-o-sanā aur kyā mirā shukr-o-sipās
un ke ehsāñ be-shumār aur un kī ne.amat be-hisāb
raat kā pichhlā pahar thā aur aañsū kī jhaḌī
merā dil thā shāyad un kī bārgah meñ bāryāb
ishq kī duniyā meñ aise hādsoñ se kyā mafar
aayā qāsid kā janāza mere naame kā javāb
ye mahal merī tamannāoñ kā ai ‘ahmad-urūj'
jaise bachchoñ kā gharauñdā jaise dīvāne kā ḳhvāb
میں بتاؤں عشق کیا ہے ایک پیہم اضطراب
دھیمی دھیمی آنچ کہیے یا مسلسل التہاب
رات وہ آئے تھے چہرے سے نقاب الٹے ہوئے
میں تو حیراں تھا نکل آیا کدھر سے آفتاب
دل پہ ان کے روئے روشن کا پڑا ہے جب سے عکس
دل نہیں ہے بلکہ سینے میں ہے روشن ماہتاب
ان کے دیوانوں کا استقبال ہے دار و رسن
کھنچ گیا جو دار پر ان کے لئے وہ کامیاب
کیا مری حمد و ثنا اور کیا مرا شکر و سپاس
ان کے احساں بے شمار اور ان کی نعمت بے حساب
رات کا پچھلا پہر تھا اور آنسو کی جھڑی
میرا دل تھا شاید ان کی بارگہہ میں باریاب
عشق کی دنیا میں ایسے حادثوں سے کیا مفر
آیا قاصد کا جنازہ میرے نامے کا جواب
یہ محل میری تمناؤں کا اے احمد عروجؔ
جیسے بچوں کا گھروندا جیسے دیوانے کا خواب