मायूसियों को ओढ़ के सोना पड़ा हमें
दिन को हँसे तो रात को रोना पड़ा हमें
वो जिस को ढूँडने में गुज़ारी तमाम 'उम्र
ये क्या सितम कि फिर उसे खोना पड़ा हमें
ये इख़्तियारी फ़ैसला था या कुछ और था
तुम से मिले तो फिर जुदा होना पड़ा हमें
वो एक नाम चाह से लिक्खा था बारहा
दिल से उसे फिर आँख से धोना पड़ा हमें
'तारा' किनारे आ लगी कश्ती जब एक दम
गिर्दाब में फिर आप को खोना पड़ा हमें
māyūsiyoñ ko oḌh ke sonā paḌā hameñ
din ko hañse to raat ko ronā paḌā hameñ
vo jis ko DhūñDne meñ guzārī tamām 'umr
ye kyā sitam ki phir use khonā paḌā hameñ
ye iḳhtiyārī faisla thā yā kuchh aur thā
tum se mile to phir judā honā paḌā hameñ
vo ek naam chaah se likkhā thā bārhā
dil se use phir aañkh se dhonā paḌā hameñ
'tārā' kināre aa lagī kashtī jab ek dam
girdāb meñ phir aap ko khonā paḌā hameñ
مایوسیوں کو اوڑھ کے سونا پڑا ہمیں
دن کو ہنسے تو رات کو رونا پڑا ہمیں
وہ جس کو ڈھونڈنے میں گزاری تمام عمر
یہ کیا ستم کہ پھر اسے کھونا پڑا ہمیں
یہ اختیاری فیصلہ تھا یا کچھ اور تھا
تم سے ملے تو پھر جدا ہونا پڑا ہمیں
وہ ایک نام چاہ سے لکھا تھا بارہا
دل سے اسے پھر آنکھ سے دھونا پڑا ہمیں
تاراؔ کنارے آ لگی کشتی جب ایک دم
گرداب میں پھر آپ کو کھونا پڑا ہمیں