ख़ामुशी में कभी सदाओं में
खो गई अजनबी फ़ज़ाओं में
न सफ़र है न है सुकून मुझे
कैसी गर्दिश है मेरे पाँव में
चीख़ती है ये तीरगी शब की
चाँद ख़ामोश है घटाओं में
क्या है जो ख़ाक पर नहीं मौजूद
ढूँडते हैं किसे ख़लाओं में
साँस लेते हुए भी डरती हूँ
किस क़दर ज़हर है हवाओं में
ऐ ग़म-ए-हिज्र बख़्शने वाले
याद रखना हमें दु'आओं में
दिल परेशाँ है इस तरह 'तारा'
हो गई मर्ग जैसे गाँव में
ḳhāmushī meñ kabhī sadāoñ meñ
kho ga.ī ajnabī fazāoñ meñ
na safar hai na hai sukūn mujhe
kaisī gardish hai mere paañv meñ
chīḳhtī hai ye tīrgī shab kī
chāñd ḳhāmosh hai ghaTāoñ meñ
kyā hai jo ḳhaak par nahīñ maujūd
DhūñDte haiñ kise ḳhalāoñ meñ
saañs lete hue bhī Dartī huuñ
kis qadar zahr hai havāoñ meñ
ai ġham-e-hijr baḳhshne vaale
yaad rakhnā hameñ du'āoñ meñ
dil pareshāñ hai is tarah 'tārā'
ho ga.ī marg jaise gaañv meñ
خامشی میں کبھی صداؤں میں
کھو گئی اجنبی فضاؤں میں
نہ سفر ہے نہ ہے سکون مجھے
کیسی گردش ہے میرے پاؤں میں
چیختی ہے یہ تیرگی شب کی
چاند خاموش ہے گھٹاؤں میں
کیا ہے جو خاک پر نہیں موجود
ڈھونڈتے ہیں کسے خلاؤں میں
سانس لیتے ہوئے بھی ڈرتی ہوں
کس قدر زہر ہے ہواؤں میں
اے غم ہجر بخشنے والے
یاد رکھنا ہمیں دعاؤں میں
دل پریشاں ہے اس طرح تاراؔ
ہو گئی مرگ جیسے گاؤں میں