माँगना काम मुझ सवाली का
बख़्शना तेरी ज़ात-ए-आली का
क्यूँ गिराया है अपनी नज़रों से
हुक्म कर दे मिरी बहाली का
तू ही वो फूल है जो है महबूब
पत्ते पत्ते का डाली डाली का
बात जो भी कहो वो साफ़ कहो
काम क्या फ़ज़्ल-ए-एहतिमाली का
जल बुझूँगा भड़क के दम भर में
मैं हूँ गोया दिया दिवाली का
'नादिर' ऐसा कलाम है मेरा
साद है जिस पे ला-ज़वाली का
māñgnā kaam mujh savālī kā
baḳhshnā terī zāt-e-ālī kā
kyuuñ girāyā hai apnī nazroñ se
hukm kar de mirī bahālī kā
tū hī vo phuul hai jo hai mahbūb
patte patte kā Daalī Daalī kā
baat jo bhī kaho vo saaf kaho
kaam kyā fazl-e-ehtimālī kā
jal bujhūñgā bhaḌak ke dam bhar meñ
maiñ huuñ goyā diyā divālī kā
'nādir' aisā kalām hai merā
saad hai jis pe lā-zavālī kā
مانگنا کام مجھ سوالی کا
بخشنا تیری ذات عالی کا
کیوں گرایا ہے اپنی نظروں سے
حکم کر دے مری بحالی کا
تو ہی وہ پھول ہے جو ہے محبوب
پتے پتے کا ڈالی ڈالی کا
بات جو بھی کہو وہ صاف کہو
کام کیا فضل احتمالی کا
جل بجھوں گا بھڑک کے دم بھر میں
میں ہوں گویا دیا دوالی کا
نادرؔ ایسا کلام ہے میرا
صاد ہے جس پہ لا زوالی کا