लोग क्यूँ हम से शिकायत की तवक़्क़ो' रखें
हैं ख़ुद-आज़ार भी इतने कि सितमगर रोएँ
अब तो आती हैं कुछ इस तरह तुम्हारी यादें
धूप में जैसे किसी चेहरे से बादल गुज़रें
मातम-ए-ग़ुंचा में रोए हैं नदामत है बहुत
शिद्दत-ए-ग़म में रहा पास-ए-तबस्सुम न हमें
अब ग़म-ए-दिल का सफ़ीना है कि दरिया माँगे
और ये रोना है कि आँसू भी नहीं आँखों में
हम से लिपटी हुई तलवार हो जैसे यारो
इक नया ज़ख़्म सुलगता है जो करवट बदलें
तुझ को देखा जो न होता तो ख़ुदा कह लेते
ये भी मुश्किल नज़र आता है कि पत्थर पूजें
वो करम है तिरा साँसों में सुनाई देना
ये सितम है कि तुझे ढूँढ रही हैं आँखें
'हशमी' जिस्म नज़र आता है सूली की तरह
जब मसीहा के लिए प्यार से बाज़ू खोलीं
log kyuuñ ham se shikāyat kī tavaqqo rakheñ
haiñ ḳhud-āzār bhī itne ki sitamgar ro.eñ
ab to aatī haiñ kuchh is tarah tumhārī yādeñ
dhuup meñ jaise kisī chehre se bādal guzreñ
mātam-e-ġhuncha meñ ro.e haiñ nadāmat hai bahut
shiddat-e-ġham meñ rahā pās-e-tabassum na hameñ
ab ġham-e-dil kā safīna hai ki dariyā māñge
aur ye ronā hai ki aañsū bhī nahīñ āñkhoñ meñ
ham se lipTī huī talvār ho jaise yaaro
ik nayā zaḳhm sulagtā hai jo karvaT badleñ
tujh ko dekhā jo na hotā to ḳhudā kah lete
ye bhī mushkil nazar aatā hai ki patthar pūjeñ
vo karam hai tirā sāñsoñ meñ sunā.ī denā
ye sitam hai ki tujhe DhūñDh rahī haiñ āñkheñ
'hashamī' jism nazar aatā hai suulī kī tarah
jab masīhā ke liye pyaar se baazū kholīñ
لوگ کیوں ہم سے شکایت کی توقع رکھیں
ہیں خود آزار بھی اتنے کہ ستم گر روئیں
اب تو آتی ہیں کچھ اس طرح تمہاری یادیں
دھوپ میں جیسے کسی چہرے سے بادل گزریں
ماتم غنچہ میں روئے ہیں ندامت ہے بہت
شدت غم میں رہا پاس تبسم نہ ہمیں
اب غم دل کا سفینہ ہے کہ دریا مانگے
اور یہ رونا ہے کہ آنسو بھی نہیں آنکھوں میں
ہم سے لپٹی ہوئی تلوار ہو جیسے یارو
اک نیا زخم سلگتا ہے جو کروٹ بدلیں
تجھ کو دیکھا جو نہ ہوتا تو خدا کہہ لیتے
یہ بھی مشکل نظر آتا ہے کہ پتھر پوجیں
وہ کرم ہے ترا سانسوں میں سنائی دینا
یہ ستم ہے کہ تجھے ڈھونڈ رہی ہیں آنکھیں
حشمیؔ جسم نظر آتا ہے سولی کی طرح
جب مسیحا کے لئے پیار سے بازو کھولیں