लहू में रंग-ए-सुख़न उस का भर के देखते हैं
चराग़ बाम से जिस को उतर के देखते हैं
मुलाएमत है ग़ज़ल की सी उस की बातों में
ये बात है तो चलो बात करके देखते हैं
सहीफ़ा-ए-लब-ओ-रुख़्सार-ओ-पैरहन उस का
तिलावतों में हैं पत्ते शजर के देखते हैं
बला के नामे हैं दो सीपयाई आँखों में
गुरेज़-ओ-गर्दिश-ओ-ग़म्ज़े नज़र के देखते हैं
बलाएँ लेते हुए हुस्न-ए-बे-निहायत की
तिरी तरफ़ तिरे उश्शाक़ डर के देखते हैं
चराग़ते हैं किसी नज़्म के घने अबरू
किसी ग़ज़ल की जुदाई में मर के देखते हैं
ठहर गया हो न आवाज़-ए-पा तिरी सुन कर
सो दिल पे रा'शा-ज़दा हाथ धर के देखते हैं
करख़्तगी है न ख़ुद-रफ़्तगी न फ़हमाइश
मिज़ाज बदले हुए हम सफ़र के देखते हैं
रुके हुए हैं बहुत लोग देखने के लिए
सो हम भी शो'बदे उस ख़्वाब-गर के देखते हैं
भरी है रंज की बारिश से उम्र की कारेज़
हम एक कोने में बैठे हैं घिर के देखते हैं
अब उठ भी जाए कोई ख़्वाब-गाह-ए-गिर्या से
वो पौ फटी वो मनारे सहर के देखते हैं
ये सीमयाई बदन ख़्वाब-ए-नीम-शब तो नहीं
सो ख़ाल-ओ-ख़द की तमाज़त को डर के देखते हैं
ऐ तेरे सब्ज़ा-ए-रुख़्सार की दिल-आवेज़ी
नवाह-ए-चश्म से आँसू गुज़र के देखते हैं
कटी है उम्र ग़ज़ल-ज़ाद-गाँ की सोहबत में
उन्ही के कूचे में आख़िर बिखर के देखते हैं
मशक़्क़ती हैं तिरे काख़-ओ-कू-ए-हिज्र के हम
शराब-ए-हिज्र प्याले में भर के देखते हैं
झुकाए काँधों को उश्शाक़ पा-ब-गिल की तरह
निढाल प्यास से हम लोग थर के देखते हैं
बला का क़हत है सैलाब है तअत्तुल है
कोई वतन है मनाज़िर ग़दर के देखते हैं
हो इज़्न संग-ए-लहद के तवाफ़ का 'आमिर'
तुयूर उड़ते हुए काशग़र के देखते हैं
चली है तोहमत-ओ-तकज़ीब की हवा 'आमिर'
सो शहर-ए-ख़ाक-ओ-ख़बर में ठहर के देखते हैं
lahū meñ rañg-e-suḳhan us kā bhar ke dekhte haiñ
charāġh baam se jis ko utar ke dekhte haiñ
mulā.emat hai ġhazal kī sī us kī bātoñ meñ
ye baat hai to chalo baat karke dekhte haiñ
sahīfa-e-lab-o-ruḳhsār-o-pairahan us kā
tilāvatoñ meñ haiñ patte shajar ke dekhte haiñ
balā ke naame haiñ do sīpyā.ī āñkhoñ meñ
gurez-o-gardish-o-ġhamze nazar ke dekhte haiñ
balā.eñ lete hue husn-e-be-nihāyat kī
tirī taraf tire ushshāq Dar ke dekhte haiñ
charāġhte haiñ kisī nazm ke ghane abrū
kisī ġhazal kī judā.ī meñ mar ke dekhte haiñ
Thahar gayā ho na āvāz-e-pā tirī sun kar
so dil pe ra.asha-zada haath dhar ke dekhte haiñ
karaḳhtagī hai na ḳhud-raftagī na fahmā.ish
mizāj badle hue ham safar ke dekhte haiñ
ruke hue haiñ bahut log dekhne ke liye
so ham bhī sho.abde us ḳhvāb-gar ke dekhte haiñ
bharī hai rañj kī bārish se umr kī kārez
ham ek kone meñ baiThe haiñ ghir ke dekhte haiñ
ab uTh bhī jaa.e koī ḳhvāb-gāh-e-girya se
vo pau phaTī vo manāre sahar ke dekhte haiñ
ye sīmyā.ī badan ḳhvāb-e-nīm-shab to nahīñ
so ḳhāl-o-ḳhad kī tamāzat ko Dar ke dekhte haiñ
ai tere sabza-e-ruḳhsār kī dil-āvezī
navāh-e-chashm se aañsū guzar ke dekhte haiñ
kaTī hai umr ġhazal-zād-gāñ kī sohbat meñ
unhī ke kūche meñ āḳhir bikhar ke dekhte haiñ
mashaqqatī haiñ tire kāḳh-o-kū-e-hijr ke ham
sharāb-e-hijr pyāle meñ bhar ke dekhte haiñ
jhukā.e kāñdhoñ ko ushshāq pā-ba-gil kī tarah
niDhāl pyaas se ham log thar ke dekhte haiñ
balā kā qaht hai sailāb hai ta.attul hai
koī vatan hai manāzir ġhadar ke dekhte haiñ
ho izn sañg-e-lahad ke tavāf kā 'āmir'
tuyūr uḌte hue kāshġhar ke dekhte haiñ
chalī hai tohmat-o-takzīb kī havā 'āmir'
so shahr-e-ḳhāk-o-ḳhabar meñ Thahar ke dekhte haiñ
لہو میں رنگ سخن اس کا بھر کے دیکھتے ہیں
چراغ بام سے جس کو اتر کے دیکھتے ہیں
ملائمت ہے غزل کی سی اس کی باتوں میں
یہ بات ہے تو چلو بات کرکے دیکھتے ہیں
صحیفۂ لب و رخسار و پیرہن اس کا
تلاوتوں میں ہیں پتے شجر کے دیکھتے ہیں
بلا کے نامے ہیں دو سیپیائی آنکھوں میں
گریز و گردش و غمزے نظر کے دیکھتے ہیں
بلائیں لیتے ہوئے حسن بے نہایت کی
تری طرف ترے عشاق ڈر کے دیکھتے ہیں
چراغتے ہیں کسی نظم کے گھنے ابرو
کسی غزل کی جدائی میں مر کے دیکھتے ہیں
ٹھہر گیا ہو نہ آواز پا تری سن کر
سو دل پہ رعشہ زدہ ہاتھ دھر کے دیکھتے ہیں
کرختگی ہے نہ خود رفتگی نہ فہمائش
مزاج بدلے ہوئے ہم سفر کے دیکھتے ہیں
رکے ہوئے ہیں بہت لوگ دیکھنے کے لیے
سو ہم بھی شعبدے اس خواب گر کے دیکھتے ہیں
بھری ہے رنج کی بارش سے عمر کی کاریز
ہم ایک کونے میں بیٹھے ہیں گھر کے دیکھتے ہیں
اب اٹھ بھی جائے کوئی خواب گاہ گریہ سے
وہ پو پھٹی وہ منارے سحر کے دیکھتے ہیں
یہ سیمیائی بدن خواب نیم شب تو نہیں
سو خال و خد کی تمازت کو ڈر کے دیکھتے ہیں
اے تیرے سبزۂ رخسار کی دلآویزی
نواح چشم سے آنسو گزر کے دیکھتے ہیں
کٹی ہے عمر غزل زادگاں کی صحبت میں
انہی کے کوچے میں آخر بکھر کے دیکھتے ہیں
مشقتی ہیں ترے کاخ و کوئے ہجر کے ہم
شراب ہجر پیالے میں بھر کے دیکھتے ہیں
جھکائے کاندھوں کو عشاق پا بہ گل کی طرح
نڈھال پیاس سے ہم لوگ تھر کے دیکھتے ہیں
بلا کا قحط ہے سیلاب ہے تعطل ہے
کوئی وطن ہے مناظر غدر کے دیکھتے ہیں
ہو اذن سنگ لحد کے طواف کا عامرؔ
طیور اڑتے ہوئے کاشغر کے دیکھتے ہیں
چلی ہے تہمت و تکذیب کی ہوا عامرؔ
سو شہر خاک و خبر میں ٹھہر کے دیکھتے ہیں