इस जादा-ए-उश्शाक़ की तक़दीर अजब है
मुट्ठी में जहाँ पाँव में ज़ंजीर अजब है
बे-वक़अत-ओ-कम-माया सही ख़्वाब हमारे
ख़्वाबों से अलग होने की ता'ज़ीर अजब है
मैं शे'र कहूँ और तिरे नाम पे रो दूँ
ये रंज का पैरा-ए-दिल-गीर अजब है
आँखों में बिछे सुरमई मख़मल की अदा और
महमिल में फटे होंटों की तहक़ीर अजब है
हर ईंट मिरी नज़्म को देती है दिलासा
ये कुंज-ए-ग़ज़ल सहन-ए-मज़ा मीर अजब है
दाग़ों की बहारों से मोअ'त्तर है कोई जिस्म
और इस्म पढ़े जाने में ताख़ीर अजब है
ये ख़ाक-बसर हुस्न ये महताब की टहनी
रौंदी हुई सब्ज़े की ये जागीर अजब है
नीलाए हुए सेहनों की बस्ती में है कोहराम
दरयाफ़्ता सय्यारे की तस्ख़ीर अजब है
दिल सकते के आलम से निकलता नहीं 'आमिर'
इक बात के सह जाने की तासीर अजब है
is jāda-e-ushshāq kī taqdīr ajab hai
muTThī meñ jahāñ paañv meñ zanjīr ajab hai
be-vaq.at-o-kam-māya sahī ḳhvāb hamāre
ḳhvāboñ se alag hone kī ta.azīr ajab hai
maiñ sher kahūñ aur tire naam pe ro duuñ
ye rañj kā pairā-e-dil-gīr ajab hai
āñkhoñ meñ bichhe surma.ī maḳhmal kī adā aur
mahmil meñ phaTe hoñToñ kī tahqīr ajab hai
har iiñT mirī nazm ko detī hai dilāsā
ye kunj-e-ġhazal sahn-e-mazā miir ajab hai
dāġhoñ kī bahāroñ se mo.attar hai koī jism
aur ism paḌhe jaane meñ tāḳhīr ajab hai
ye ḳhāk-basar husn ye mahtāb kī Tahnī
roñdī huī sabze kī ye jāgīr ajab hai
nīlā.e hue sehnoñ kī bastī meñ hai kohrām
daryāfta sayyāre kī tasḳhīr ajab hai
dil sakte ke aalam se nikaltā nahīñ 'āmir'
ik baat ke sah jaane kī tāsīr ajab hai
اس جادہ عشاق کی تقدیر عجب ہے
مٹھی میں جہاں پاؤں میں زنجیر عجب ہے
بے وقعت و کم مایہ سہی خواب ہمارے
خوابوں سے الگ ہونے کی تعزیر عجب ہے
میں شعر کہوں اور ترے نام پہ رو دوں
یہ رنج کا پیرایۂ دلگیر عجب ہے
آنکھوں میں بچھے سرمئی مخمل کی ادا اور
محمل میں پھٹے ہونٹوں کی تحقیر عجب ہے
ہر اینٹ مری نظم کو دیتی ہے دلاسا
یہ کنج غزل صحن مزا میر عجب ہے
داغوں کی بہاروں سے معطر ہے کوئی جسم
اور اسم پڑھے جانے میں تاخیر عجب ہے
یہ خاک بسر حسن یہ مہتاب کی ٹہنی
روندی ہوئی سبزے کی یہ جاگیر عجب ہے
نیلائے ہوئے صحنوں کی بستی میں ہے کہرام
دریافتہ سیارے کی تسخیر عجب ہے
دل سکتے کے عالم سے نکلتا نہیں عامرؔ
اک بات کے سہہ جانے کی تاثیر عجب ہے