क्यूँकि हम दुनिया में आए कुछ सबब खुलता नहीं
इक सबब क्या भेद वाँ का सब का सब खुलता नहीं
पूछता है हाल भी गर वो तो मारे शर्म के
ग़ुंचा-ए-तस्वीर के मानिंद लब खुलता नहीं
शाहिद-ए-मक़्सूद तक पहुँचेंगे क्यूँकर देखिए
बंद है बाब-ए-तमन्ना है ग़ज़ब खुलता नहीं
बंद है जिस ख़ाना-ए-ज़िंदाँ में दीवाना तेरा
उस का दरवाज़ा परी-रू रोज़ ओ शब खुलता नहीं
दिल है ये ग़ुंचा नहीं है इस का उक़्दा ऐ सबा
खोलने का जब तलक आवे न ढब खुलता नहीं
इश्क़ ने जिन को किया ख़ातिर-गिरफ़्ता उन का दिल
लाख होवे गरचे सामान-ए-तरब खुलता नहीं
किस तरह मालूम होवे उस के दिल का मुद्दआ
मुझ से बातों में 'ज़फ़र' वो ग़ुंचा-लब खुलता नहीं
kyūñki ham duniyā meñ aa.e kuchh sabab khultā nahīñ
ik sabab kyā bhed vaañ kā sab kā sab khultā nahīñ
pūchhtā hai haal bhī gar vo to maare sharm ke
ġhuncha-e-tasvīr ke mānind lab khultā nahīñ
shāhid-e-maqsūd tak pahuñcheñge kyūñkar dekhiye
band hai bāb-e-tamannā hai ġhazab khultā nahīñ
band hai jis ḳhāna-e-zindāñ meñ dīvāna terā
us kā darvāza parī-rū roz o shab khultā nahīñ
dil hai ye ġhuncha nahīñ hai is kā uqda ai sabā
kholne kā jab talak aave na Dhab khultā nahīñ
ishq ne jin ko kiyā ḳhātir-girafta un kā dil
laakh hove garche sāmān-e-tarab khultā nahīñ
kis tarah mālūm hove us ke dil kā mudda.ā
mujh se bātoñ meñ 'zafar' vo ġhuncha-lab khultā nahīñ
کیونکہ ہم دنیا میں آئے کچھ سبب کھلتا نہیں
اک سبب کیا بھید واں کا سب کا سب کھلتا نہیں
پوچھتا ہے حال بھی گر وہ تو مارے شرم کے
غنچۂ تصویر کے مانند لب کھلتا نہیں
شاہد مقصود تک پہنچیں گے کیونکر دیکھیے
بند ہے باب تمنا ہے غضب کھلتا نہیں
بند ہے جس خانۂ زنداں میں دیوانہ تیرا
اس کا دروازہ پری رو روز و شب کھلتا نہیں
دل ہے یہ غنچہ نہیں ہے اس کا عقدہ اے صبا
کھولنے کا جب تلک آوے نہ ڈھب کھلتا نہیں
عشق نے جن کو کیا خاطر گرفتہ ان کا دل
لاکھ ہووے گرچہ سامان طرب کھلتا نہیں
کس طرح معلوم ہووے اس کے دل کا مدعا
مجھ سے باتوں میں ظفرؔ وہ غنچہ لب کھلتا نہیں