क्यूँकर न ख़ाकसार रहें अहल-ए-कीं से दूर
देखो ज़मीं फ़लक से फ़लक है ज़मीं से दूर
परवाना वस्ल-ए-शम्अ पे देता है अपनी जाँ
क्यूँकर रहे दिल उस के रुख़-ए-आतिशीं से दूर
मज़मून-ए-वस्ल-व-हिज्र जो नामे में है रक़म
है हर्फ़ भी कहीं से मिले और कहीं से दूर
गो तीर-ए-बे-गुमाँ है मिरे पास पर अभी
जाए निकल के सीना-ए-चर्ख़-ए-बरीं से दूर
वो कौन है कि जाते नहीं आप जिस के पास
लेकिन हमेशा भागते हो तुम हमीं से दूर
हैरान हूँ कि उस के मुक़ाबिल हो आईना
जो पुर-ग़ुरूर खिंचता है माह-ए-मुबीं से दूर
याँ तक अदू का पास है उन को कि बज़्म में
वो बैठते भी हैं तो मिरे हम-नशीं से दूर
मंज़ूर हो जो दीद तुझे दिल की आँख से
पहुँचे तिरी नज़र निगह-ए-दूर-बीं से दूर
दुनिया-ए-दूँ की दे न मोहब्बत ख़ुदा 'ज़फ़र'
इंसाँ को फेंक दे है ये ईमान ओ दीं से दूर
kyūñkar na ḳhāksār raheñ ahl-e-kīñ se duur
dekho zamīñ falak se falak hai zamīñ se duur
parvāna vasl-e-sham.a pe detā hai apnī jaañ
kyūñkar rahe dil us ke ruḳh-e-ātishīñ se duur
mazmūn-e-vasl-o-hijr jo naame meñ hai raqam
hai harf bhī kahīñ se mile aur kahīñ se duur
go tīr-e-be-gumāñ hai mire paas par abhī
jaa.e nikal ke sīna-e-charḳh-e-barīñ se duur
vo kaun hai ki jaate nahīñ aap jis ke paas
lekin hamesha bhāgte ho tum hamīñ se duur
hairān huuñ ki us ke muqābil ho ā.īna
jo pur-ġhurūr khiñchtā hai māh-e-mubīñ se duur
yaañ tak adū kā paas hai un ko ki bazm meñ
vo baiThte bhī haiñ to mire ham-nashīñ se duur
manzūr ho jo diid tujhe dil kī aañkh se
pahuñche tirī nazar nigah-e-dūr-bīñ se duur
duniyā-e-dūñ kī de na mohabbat ḳhudā 'zafar'
insāñ ko pheñk de hai ye īmān o diiñ se duur
کیونکر نہ خاکسار رہیں اہل کیں سے دور
دیکھو زمیں فلک سے فلک ہے زمیں سے دور
پروانہ وصل شمع پہ دیتا ہے اپنی جاں
کیونکر رہے دل اس کے رخ آتشیں سے دور
مضمون وصل و ہجر جو نامہ میں ہے رقم
ہے حرف بھی کہیں سے ملے اور کہیں سے دور
گو تیر بے گماں ہے مرے پاس پر ابھی
جائے نکل کے سینۂ چرخ بریں سے دور
وہ کون ہے کہ جاتے نہیں آپ جس کے پاس
لیکن ہمیشہ بھاگتے ہو تم ہمیں سے دور
حیران ہوں کہ اس کے مقابل ہو آئینہ
جو پر غرور کھنچتا ہے ماہ مبیں سے دور
یاں تک عدو کا پاس ہے ان کو کہ بزم میں
وہ بیٹھتے بھی ہیں تو مرے ہم نشیں سے دور
منظور ہو جو دید تجھے دل کی آنکھ سے
پہنچے تری نظر نگہ دور بیں سے دور
دنیائے دوں کی دے نہ محبت خدا ظفرؔ
انساں کو پھینک دے ہے یہ ایمان و دیں سے دور