क्यूँ जू-ए-रवाँ आ के यूँ आँखों में खड़ी है
लगता है पहाड़ों पे कहीं बर्फ़ पड़ी है
ऐ दर्द कभी उठ भी सही तंगी-ए-दिल से
मुद्दत से दर-ए-दिल पे कोई याद खड़ी है
मंज़िल को चले या किसी मक़्तल को चले हैं
हर राह यूँ लगती है कि ज़ंजीर पड़ी है
यूँही तो नहीं बैठ गए झाड़ के दामन
महरूमी-ए-तक़दीर से उम्मीद बड़ी है
दो दिन की मोहब्बत ने दी ये हस्ती-ए-जावेद
इक पल भी नहीं कटती अभी उम्र पड़ी है
यूँ हम ने निकाली है तिरी राह-ए-मुलाक़ात
यूँ हिज्र तिरे दीद की बरकत की घड़ी है
हर सुब्ह तिरी चश्म-ए-फ़ुसूँ-साज़ का ग़म्ज़ा
हर शाम तिरे लब से हँसी फूट पड़ी है
दिन है तो है महका तिरे रुख़्सार का ग़ाज़ा
शब है तो तिरी माँग सितारों से जड़ी है
kyuuñ jū-e-ravāñ aa ke yuuñ āñkhoñ meñ khaḌī hai
lagtā hai pahāḌoñ pe kahīñ barf paḌī hai
ai dard kabhī uTh bhī sahī tañgi-e-dil se
muddat se dar-e-dil pe koī yaad khaḌī hai
manzil ko chale yā kisī maqtal ko chale haiñ
har raah yuuñ lagtī hai ki zanjīr paḌī hai
yūñhī to nahīñ baiTh ga.e jhaaḌ ke dāman
mahrūmī-e-taqdīr se ummīd baḌī hai
do din kī mohabbat ne dī ye hastī-e-jāved
ik pal bhī nahīñ kaTtī abhī umr paḌī hai
yuuñ ham ne nikālī hai tirī rāh-e-mulāqāt
yuuñ hijr tire diid kī barakat kī ghaḌī hai
har sub.h tirī chashm-e-fusūñ-sāz kā ġhamza
har shaam tire lab se hañsī phuuT paḌī hai
din hai to hai mahkā tire ruḳhsār kā ġhāza
shab hai to tirī maañg sitāroñ se jaḌī hai
کیوں جوئے رواں آ کے یوں آنکھوں میں کھڑی ہے
لگتا ہے پہاڑوں پہ کہیں برف پڑی ہے
اے درد کبھی اٹھ بھی سہی تنگئ دل سے
مدت سے در دل پہ کوئی یاد کھڑی ہے
منزل کو چلے یا کسی مقتل کو چلے ہیں
ہر راہ یوں لگتی ہے کہ زنجیر پڑی ہے
یوں ہی تو نہیں بیٹھ گئے جھاڑ کے دامن
محرومیٔ تقدیر سے امید بڑی ہے
دو دن کی محبت نے دی یہ ہستیٔ جاوید
اک پل بھی نہیں کٹتی ابھی عمر پڑی ہے
یوں ہم نے نکالی ہے تری راہ ملاقات
یوں ہجر ترے دید کی برکت کی گھڑی ہے
ہر صبح تری چشم فسوں ساز کا غمزہ
ہر شام ترے لب سے ہنسی پھوٹ پڑی ہے
دن ہے تو ہے مہکا ترے رخسار کا غازہ
شب ہے تو تری مانگ ستاروں سے جڑی ہے