दर्द बन कर भी दिल-ओ-जाँ में नहीं रह पाता
वो सँवरता है तो इम्काँ में नहीं रह पाता
फ़स्ल-ए-गुल झेल के यूँ जिस्म दरीदा तो न था
चाक भी अब तो गरेबाँ में नहीं रह पाता
हम्द कीजे भी तो क्या उस की कि है बर्क़-सिफ़त
दो घड़ी दीदा-ए-हैराँ में नहीं रह पाता
कुछ तो ग़म्ज़े भी हैं इस दुश्मन-ए-दीं के काफ़िर
कुछ ये दिल भी है कि ईमाँ में नहीं रह पाता
रोज़ी रोटी के सवालों में घिरा रहता हूँ
दिल में जो शख़्स है अरमाँ में नहीं रह पाता
dard ban kar bhī dil-o-jāñ meñ nahīñ rah paatā
vo sañvartā hai to imkāñ meñ nahīñ rah paatā
fasl-e-gul jhel ke yuuñ jism darīda to na thā
chaak bhī ab to garebāñ meñ nahīñ rah paatā
hamd kiije bhī to kyā us kī ki hai barq-sifat
do ghaḌī dīda-e-hairāñ meñ nahīñ rah paatā
kuchh to ġhamze bhī haiñ is dushman-e-dīñ ke kāfir
kuchh ye dil bhī hai ki īmāñ meñ nahīñ rah paatā
rozī roTī ke savāloñ meñ ghirā rahtā huuñ
dil meñ jo shaḳhs hai armāñ meñ nahīñ rah paatā
درد بن کر بھی دل و جاں میں نہیں رہ پاتا
وہ سنورتا ہے تو امکاں میں نہیں رہ پاتا
فصل گل جھیل کے یوں جسم دریدہ تو نہ تھا
چاک بھی اب تو گریباں میں نہیں رہ پاتا
حمد کیجے بھی تو کیا اس کی کہ ہے برق صفت
دو گھڑی دیدۂ حیراں میں نہیں رہ پاتا
کچھ تو غمزے بھی ہیں اس دشمن دیں کے کافر
کچھ یہ دل بھی ہے کہ ایماں میں نہیں رہ پاتا
روزی روٹی کے سوالوں میں گھرا رہتا ہوں
دل میں جو شخص ہے ارماں میں نہیں رہ پاتا