क्यों कहूँ मैं कि सितम का मैं सज़ा-वार न था
दिल दिया था तुझे किस तरह गुनहगार न था
उम्र भर मुझ से थी हर एक को बे-वज्ह ख़लिश
क्यूँकि मैं गुलशन-ए-आलम में कोई ख़ार न था
क्या न कुछ हो गया इक ग़ैरत-ए-यूसुफ़ के लिए
कब मोहब्बत में मैं रुस्वा सर-ए-बाज़ार न था
क्या ये करता मिरे ज़ख़्म-ए-जिगर-ओ-दिल का इलाज
चर्ख़-ए-बे-रहम कोई मरहम-ए-ज़ंगार न था
फ़र्द निकला फ़न-ए-दुज़दी में ख़याल-ए-दिलबर
उस का आना था कि पहलू में दिल-ए-ज़ार न था
क्या बहलता गुल-ओ-सुम्बुल से चमन में मिरा दिल
वो तिरी ज़ुल्फ़ न था ये तिरा रुख़्सार न था
अपनी क़िस्मत ही का शाकी मैं मोहब्बत में रहा
शिकवा-ए-चर्ख़ न था कुछ गिला-ए-यार न था
हश्र के रोज़ मिरे हुस्न-ए-गुनह का यारब
तेरी रहमत के सिवा कोई ख़रीदार न था
तेरी आँखों की मोहब्बत का फ़क़त था उसे रोग
वर्ना कुछ नर्गिस-ए-बीमार को आज़ार न था
तुम ने महफ़िल में जगह दी उसे हसरत है मुझे
ग़ैर इस आव-भगत का तो सज़ा-वार न था
नर्गिस उस आँख की बीमार-ए-गुल उस रुख़ पे निसार
बाग़-ए-आलम में किसे इश्क़ का आज़ार न था
हो गई रस्म-ए-मुलाक़ात चलो बहस है क्या
तुम ख़ता पर न थे और मैं भी वफ़ादार न था
दो प्यालों में है साक़ी के अजब कैफ़ 'फहीम'
आँखें मिलते ही वो था कौन जो सरशार न था
kyoñ kahūñ maiñ ki sitam kā maiñ sazā-vār na thā
dil diyā thā tujhe kis tarah gunahgār na thā
umr bhar mujh se thī har ek ko be-vaj.h ḳhalish
kyūñki maiñ gulshan-e-ālam meñ koī ḳhaar na thā
kyā na kuchh ho gayā ik ġhairat-e-yūsuf ke liye
kab mohabbat meñ maiñ rusvā sar-e-bāzār na thā
kyā ye kartā mire zaḳhm-e-jigar-o-dil kā ilaaj
charḳh-e-be-rahm koī marham-e-zañgār na thā
fard niklā fan-e-duzdī meñ ḳhayāl-e-dilbar
us kā aanā thā ki pahlū meñ dil-e-zār na thā
kyā bahaltā gul-o-sumbul se chaman meñ mirā dil
vo tirī zulf na thā ye tirā ruḳhsār na thā
apnī qismat hī kā shākī maiñ mohabbat meñ rahā
shikva-e-charḳh na thā kuchh gila-e-yār na thā
hashr ke roz mire husn-e-gunah kā yārab
terī rahmat ke sivā koī ḳharīdār na thā
terī āñkhoñ kī mohabbat kā faqat thā use rog
varna kuchh nargis-e-bīmār ko āzār na thā
tum ne mahfil meñ jagah dī use hasrat hai mujhe
ġhair is āv-bhagat kā to sazā-vār na thā
nargis us aañkh kī bīmār-e-gul us ruḳh pe nisār
bāġh-e-ālam meñ kise ishq kā āzār na thā
ho ga.ī rasm-e-mulāqāt chalo bahs hai kyā
tum ḳhatā par na the aur maiñ bhī vafādār na thā
do pyāloñ meñ hai saaqī ke ajab kaif 'fahīm'
āñkheñ milte hī vo thā kaun jo sarshār na thā
کیوں کہوں میں کہ ستم کا میں سزاوار نہ تھا
دل دیا تھا تجھے کس طرح گنہ گار نہ تھا
عمر بھر مجھ سے تھی ہر ایک کو بے وجہ خلش
کیونکہ میں گلشن عالم میں کوئی خار نہ تھا
کیا نہ کچھ ہو گیا اک غیرت یوسف کے لیے
کب محبت میں میں رسوا سر بازار نہ تھا
کیا یہ کرتا مرے زخم جگر و دل کا علاج
چرخ بے رحم کوئی مرہم زنگار نہ تھا
فرد نکلا فن دزدی میں خیال دلبر
اس کا آنا تھا کہ پہلو میں دل زار نہ تھا
کیا بہلتا گل و سنبل سے چمن میں مرا دل
وہ تری زلف نہ تھا یہ ترا رخسار نہ تھا
اپنی قسمت ہی کا شاکی میں محبت میں رہا
شکوۂ چرخ نہ تھا کچھ گلۂ یار نہ تھا
حشر کے روز مرے حسن گنہ کا یا رب
تیری رحمت کے سوا کوئی خریدار نہ تھا
تیری آنکھوں کی محبت کا فقط تھا اسے روگ
ورنہ کچھ نرگس بیمار کو آزار نہ تھا
تم نے محفل میں جگہ دی اسے حسرت ہے مجھے
غیر اس آؤ بھگت کا تو سزاوار نہ تھا
نرگس اس آنکھ کی بیمار گل اس رخ پہ نثار
باغ عالم میں کسے عشق کا آزار نہ تھا
ہو گئی رسم ملاقات چلو بحث ہے کیا
تم خطا پر نہ تھے اور میں بھی وفادار نہ تھا
دو پیالوں میں ہے ساقی کے عجب کیف فہیمؔ
آنکھیں ملتے ہی وہ تھا کون جو سرشار نہ تھا