कुफ़्र एक रंग-ए-क़ुदरत-ए-बे-इंतिहा में है
जिस बुत को देखता हूँ वो याद-ए-ख़ुदा में है
'आशिक़ है जो कि जामा-ए-सिदक़-ओ-सफ़ा में है
मा'शूक़ है जो पर्दा-ए-हिल्म-ओ-हया में है
'आलम है मस्त सज्दा-ए-जानाँ में ता-अबद
मस्ती बला की बादा-ए-''कालू-बला'' में है
ईमाँ है 'अक्स-ए-रुख़ तो है गेसू का अक्स-ए-कुफ़्र
वो कौन चीज़ है जो तिरी मा-सिवा में है
अबरू के महव का'बे में सूरत के दैर में
'उश्शाक़ रुख़ का सिलसिला नूर-ओ-ज़िया में है
बे-जल्वा-गाह-ए-यार कहाँ ये रुजू-ए-ख़ल्क़
बहस-ए-फ़ुज़ूल बरहमन-ओ-पारसा में है
जूया है बस कि आरिज़-ओ-गेसू-ए-यार का
पाबंद शैख़ सज्दा-ए-सुब्ह-ओ-मसा में है
रफ़्तार मो'जिज़ा है तो है सेहर चाल में
शोख़ी 'अजब तरह की तिरे नक़्श-ए-पा में है
तेरी तरफ़ को मुस्लिम ओ काफ़िर की है रुजू'
पूजा में बरहमन है तो ज़ाहिद दु'आ में है
मक़्तूल लाखों हो चुके शाएक़ हज़ार-हा
लज़्ज़त 'अजीब यार की तेग़-ए-जफ़ा में है
इक पेच-ओ-ख़म में गब्र-ओ-मुसलमाँ हैं मुब्तला
वुस'अत बला की यार की ज़ुल्फ़-ए-रसा में है
'बहराम' 'आशिक़ाना ग़ज़ल एक और भी
क़ुव्वत अभी बहुत तिरी फ़िक्र-ए-रसा में है
kufr ek rañg-e-qudrat-e-be-intihā meñ hai
jis but ko dekhtā huuñ vo yād-e-ḳhudā meñ hai
'āshiq hai jo ki jāma-e-sidq-o-safā meñ hai
mā'shūq hai jo parda-e-hilm-o-hayā meñ hai
'ālam hai mast sajda-e-jānāñ meñ tā-abad
mastī balā kī bāda-e-''qālū-balā'' meñ hai
īmāñ hai 'aks-e-ruḳh to hai gesū kā aks-e-kufr
vo kaun chiiz hai jo tirī mā-sivā meñ hai
abrū ke mahv kā'be meñ sūrat ke dair meñ
'ushshāq ruḳh kā silsila nūr-o-ziyā meñ hai
be-jalva-gāh-e-yār kahāñ ye rujū-e-ḳhalq
bahs-e-fuzūl barhaman-o-pārsā meñ hai
juuyā hai bas ki āriz-o-gesū-e-yār kā
pāband shaiḳh sajda-e-sub.h-o-masā meñ hai
raftār mo'jiza hai to hai sehr chaal meñ
shoḳhī 'ajab tarah kī tire naqsh-e-pā meñ hai
terī taraf ko muslim o kāfir kī hai rujū'
puujā meñ barhaman hai to zāhid du'ā meñ hai
maqtūl lākhoñ ho chuke shā.eq hazār-hā
lazzat 'ajīb yaar kī teġh-e-jafā meñ hai
ik pech-o-ḳham meñ gabr-o-musalmāñ haiñ mubtalā
vus'at balā kī yaar kī zulf-e-rasā meñ hai
'bahrām' 'āshiqāna ġhazal ek aur bhī
quvvat abhī bahut tirī fikr-e-rasā meñ hai
کفر ایک رنگ قدرت بے انتہا میں ہے
جس بت کو دیکھتا ہوں وہ یاد خدا میں ہے
عاشق ہے جو کہ جامۂ صدق و صفا میں ہے
معشوق ہے جو پردۂ حلم و حیا میں ہے
عالم ہے مست سجدۂ جاناں میں تا ابد
مستی بلا کی بادۂ ''قالو بلیٰ'' میں ہے
ایماں ہے عکس رخ تو ہے گیسو کا عکس کفر
وہ کون چیز ہے جو تری ماسوا میں ہے
ابرو کے محو کعبے میں صورت کے دیر میں
عشاق رخ کا سلسلہ نور و ضیا میں ہے
بے جلوہ گاہ یار کہاں یہ رجوع خلق
بحث فضول برہمن و پارسا میں ہے
جویا ہے بس کہ عارض و گیسوئے یار کا
پابند شیخ سجدۂ صبح و مسا میں ہے
رفتار معجزہ ہے تو ہے سحر چال میں
شوخی عجب طرح کی ترے نقش پا میں ہے
تیری طرف کو مسلم و کافر کی ہے رجوع
پوجا میں برہمن ہے تو زاہد دعا میں ہے
مقتول لاکھوں ہو چکے شائق ہزارہا
لذت عجیب یار کی تیغ جفا میں ہے
اک پیچ و خم میں گبر و مسلماں ہیں مبتلا
وسعت بلا کی یار کی زلف رسا میں ہے
بہرامؔ عاشقانہ غزل ایک اور بھی
قوت ابھی بہت تری فکر رسا میں ہے