दुनिया में इबादत को तिरी आए हुए हैं
पर हुस्न-ए-बुताँ देख के घबराए हुए हैं
अफ़्सोस इबादत न तिरी हो सकी हम से
गर्दन नहीं उठती है कि शरमाए हुए हैं
इल्ज़ाम नहीं तूर जो सुर्मा हुआ जल कर
मूसा भी तजल्ली से तो शरमाए हुए हैं
मैं बरहमन ओ शैख़ की तकरार से समझा
पाया नहीं उस यार को झुँझलाए हुए हैं
काबे से न रग़बत हमें ने दैर की ख़्वाहिश
हम ख़ाना-ए-दिल में जो उसे पाए हुए हैं
है कौन सी जा हो जो तिरे जल्वे से ख़ाली
मज़मून हम अब दिल में यही लाए हुए हैं
ज़िल्लत के ख़रीदार हुए हिर्स के बंदे
हाजत के लिए हाथ जो फैलाए हुए हैं
जिस क़ौम में देखा तो तजस्सुस तिरा पाया
मअ'बद तिरे हर क़ौम में ठहराए हुए हैं
'बहराम' ग़ज़ल और भी इक उन को सुना दे
मुश्ताक़ तिरी बज़्म में सब आए हुए हैं
duniyā meñ ibādat ko tirī aa.e hue haiñ
par husn-e-butāñ dekh ke ghabrā.e hue haiñ
afsos ibādat na tirī ho sakī ham se
gardan nahīñ uThtī hai ki sharmā.e hue haiñ
ilzām nahīñ tuur jo surma huā jal kar
muusā bhī tajallī se to sharmā.e hue haiñ
maiñ barhaman o shaiḳh kī takrār se samjhā
paayā nahīñ us yaar ko jhunjhlā.e hue haiñ
ka.abe se na raġhbat hameñ ne dair kī ḳhvāhish
ham ḳhāna-e-dil meñ jo use paa.e hue haiñ
hai kaun sī jā ho jo tire jalve se ḳhālī
mazmūn ham ab dil meñ yahī laa.e hue haiñ
zillat ke ḳharīdār hue hirs ke bande
hājat ke liye haath jo phailā.e hue haiñ
jis qaum meñ dekhā to tajassus tirā paayā
ma.abad tire har qaum meñ Thahrā.e hue haiñ
'bahrām' ġhazal aur bhī ik un ko sunā de
mushtāq tirī bazm meñ sab aa.e hue haiñ
دنیا میں عبادت کو تری آئے ہوئے ہیں
پر حسن بتاں دیکھ کے گھبرائے ہوئے ہیں
افسوس عبادت نہ تری ہو سکی ہم سے
گردن نہیں اٹھتی ہے کہ شرمائے ہوئے ہیں
الزام نہیں طور جو سرمہ ہوا جل کر
موسیٰ بھی تجلی سے تو شرمائے ہوئے ہیں
میں برہمن و شیخ کی تکرار سے سمجھا
پایا نہیں اس یار کو جھنجھلائے ہوئے ہیں
کعبے سے نہ رغبت ہمیں نے دیر کی خواہش
ہم خانۂ دل میں جو اسے پائے ہوئے ہیں
ہے کون سی جا ہو جو ترے جلوے سے خالی
مضمون ہم اب دل میں یہی لائے ہوئے ہیں
ذلت کے خریدار ہوئے حرص کے بندے
حاجت کے لئے ہاتھ جو پھیلائے ہوئے ہیں
جس قوم میں دیکھا تو تجسس ترا پایا
معبد ترے ہر قوم میں ٹھہرائے ہوئے ہیں
بہرامؔ غزل اور بھی اک ان کو سنا دے
مشتاق تری بزم میں سب آئے ہوئے ہیں