ग़मगीं नहीं हूँ दहर में तो शाद भी नहीं
आबाद अगर नहीं हूँ तो बर्बाद भी नहीं
मिलती तिरी वफ़ा की मुझे दाद भी नहीं
मजनूँ नहीं है दहर में फ़रहाद भी नहीं
कहता है यार जुर्म की पाते हो तुम सज़ा
इंसाफ़ अगर नहीं है तो बे-दाद भी नहीं
इंसाँ की क़द्र क्या है जो हो तेरे रू-ब-रू
तेरे मुक़ाबले में परी-ज़ाद भी नहीं
अफ़सोस किस से यार की खिंचवाइए शबीह
'मानी' नहीं जहाँ में है 'बहज़ाद' भी नहीं
करता है उज़्र-ए-जौर-ओ-जफ़ा यार तू अबस
होना जो था हुआ वो हमें याद भी नहीं
कुश्ता हुआ हूँ अबरू-ए-ख़मदार-ए-यार का
मेरे लिए ज़रूरत-ए-जल्लाद भी नहीं
हसरत भरे हुए गए दुनिया से सैकड़ों
तस्दीक़ किस से कीजिए शद्दाद भी नहीं
'बहराम' मेरे ज़ोर-ए-तबीअत से है सुख़न
शागिर्द मैं नहीं हूँ तो उस्ताद भी नहीं
ġhamgīñ nahīñ huuñ dahr meñ to shaad bhī nahīñ
ābād agar nahīñ huuñ to barbād bhī nahīñ
miltī tirī vafā kī mujhe daad bhī nahīñ
majnūñ nahīñ hai dahr meñ farhād bhī nahīñ
kahtā hai yaar jurm kī paate ho tum sazā
insāf agar nahīñ hai to be-dād bhī nahīñ
insāñ kī qadr kyā hai jo ho tere rū-ba-rū
tere muqāble meñ parī-zād bhī nahīñ
afsos kis se yaar kī khinchvā.iye shabīh
'mānī' nahīñ jahāñ meñ hai 'bahzād' bhī nahīñ
kartā hai uzr-e-jaur-o-jafā yaar tū abas
honā jo thā huā vo hameñ yaad bhī nahīñ
kushta huā huuñ abrū-e-ḳhamdār-e-yār kā
mere liye zarūrat-e-jallād bhī nahīñ
hasrat bhare hue ga.e duniyā se saikaḌoñ
tasdīq kis se kījiye shaddād bhī nahīñ
'bahrām' mere zor-e-tabī.at se hai suḳhan
shāgird maiñ nahīñ huuñ to ustād bhī nahīñ
غمگیں نہیں ہوں دہر میں تو شاد بھی نہیں
آباد اگر نہیں ہوں تو برباد بھی نہیں
ملتی تری وفا کی مجھے داد بھی نہیں
مجنوں نہیں ہے دہر میں فرہاد بھی نہیں
کہتا ہے یار جرم کی پاتے ہو تم سزا
انصاف اگر نہیں ہے تو بیداد بھی نہیں
انساں کی قدر کیا ہے جو ہو تیرے روبرو
تیرے مقابلے میں پری زاد بھی نہیں
افسوس کس سے یار کی کھنچوائیے شبیہ
مانیؔ نہیں جہاں میں ہے بہزادؔ بھی نہیں
کرتا ہے عذر جور و جفا یار تو عبث
ہونا جو تھا ہوا وہ ہمیں یاد بھی نہیں
کشتہ ہوا ہوں ابروئے خم دار یار کا
میرے لیے ضرورت جلاد بھی نہیں
حسرت بھرے ہوئے گئے دنیا سے سیکڑوں
تصدیق کس سے کیجئے شداد بھی نہیں
بہرامؔ میرے زور طبیعت سے ہے سخن
شاگرد میں نہیں ہوں تو استاد بھی نہیں