हम न बुत-ख़ाने में ने मस्जिद-ए-वीराँ में रहे
हसरत-ओ-आरज़ू-ए-जल्वा-ए-जानाँ में रहे
ख़ूँ है वो जिस से कि हो दामन-ए-क़ातिल रंगीं
ख़ून फ़ासिद है जो ख़ाली सर-ए-मिज़्गाँ में रहे
हम ने मस्नूअ से साने की हक़ीक़त पाई
बे-सबब हम नहीं नज़्ज़ारा-ए-ख़ूबाँ में रहे
सुब्ह ख़ुर्शीद को देखा हवस-ए-आरिज़ में
शाम से रौशनी-ए-शम्-ए-शबिस्ताँ में रहे
तोड़ा ज़ुन्नार को तस्बीह को फेंका हम ने
इश्क़-ए-रुख़ था हवस-ए-नूर-ए-दरख़्शाँ में रहे
जा-ब-जा हम को रही जल्वा-ए-जानाँ की तलाश
दैर-ओ-काबा में फिरे सोहबत-ए-रहबाँ में रहे
ख़ल्वत-ए-दिल की न कुछ क़द्र को समझे हाजी
तौफ़-ए-काबा के लिए दश्त-ओ-बयाबाँ में रहे
उन असीरों को हुइ क़ैद-ए-तअय्युन से नजात
जो कि पाबंद तिरे गेसू-ए-पेचाँ में रहे
इस ज़मीं में ग़ज़ल इक और भी लिक्खो 'बहराम'
ये दो-गज़ला तो भला आप के दीवाँ में रहे
ham na but-ḳhāne meñ ne masjid-e-vīrāñ meñ rahe
hasrat-o-ārzū-e-jalva-e-jānāñ meñ rahe
ḳhuuñ hai vo jis se ki ho dāman-e-qātil rañgīñ
ḳhuun fāsid hai jo ḳhālī sar-e-mizhgāñ meñ rahe
ham ne masnūa se saan.e kī haqīqat paa.ī
be-sabab ham nahīñ nazzāra-e-ḳhūbāñ meñ rahe
sub.h ḳhurshīd ko dekhā havas-e-āriz meñ
shaam se raushnī-e-sham-e-shabistāñ meñ rahe
toḌā zunnār ko tasbīh ko pheñkā ham ne
ishq-e-ruḳh thā havas-e-nūr-e-daraḳhshāñ meñ rahe
jā-ba-jā ham ko rahī jalva-e-jānāñ kī talāsh
dair-o-ka.aba meñ phire sohbat-e-rahbāñ meñ rahe
ḳhalvat-e-dil kī na kuchh qadr ko samjhe haajī
tauf-e-ka.aba ke liye dasht-o-bayābāñ meñ rahe
un asīroñ ko hui qaid-e-ta.ayyun se najāt
jo ki pāband tire gesu-e-pechāñ meñ rahe
is zamīñ meñ ġhazal ik aur bhī likkho 'bahrām'
ye do-ġhazla to bhalā aap ke dīvāñ meñ rahe
ہم نہ بت خانے میں نے مسجد ویراں میں رہے
حسرت و آرزوئے جلوۂ جاناں میں رہے
خوں ہے وہ جس سے کہ ہو دامن قاتل رنگیں
خون فاسد ہے جو خالی سر مژگاں میں رہے
ہم نے مصنوع سے صانع کی حقیقت پائی
بے سبب ہم نہیں نظارۂ خوباں میں رہے
صبح خورشید کو دیکھا ہوس عارض میں
شام سے روشنیٔ شمع شبستاں میں رہے
توڑا زنار کو تسبیح کو پھینکا ہم نے
عشق رخ تھا ہوس نور درخشاں میں رہے
جا بجا ہم کو رہی جلوۂ جاناں کی تلاش
دیر و کعبہ میں پھرے صحبت رہباں میں رہے
خلوت دل کی نہ کچھ قدر کو سمجھے حاجی
طوف کعبہ کے لیے دشت و بیاباں میں رہے
ان اسیروں کو ہوئی قید تعین سے نجات
جو کہ پابند ترے گیسوئے پیچاں میں رہے
اس زمیں میں غزل اک اور بھی لکھو بہرامؔ
یہ دو غزلہ تو بھلا آپ کے دیواں میں رہے