कुछ सज़ाएँ और भी हैं ताज़ियानों से परे
इक असीरी और भी है क़ैद-ख़ानों से परे
ख़ून जिन का दौड़ता है सब मशीनों में यहाँ
वो सिसकते लोग हैं इन कार-ख़ानों से परे
जिस के दम से थीं हमारे शहर की सब रौनक़ें
वो भी जा के बस गया है दो जहानों से परे
वालिहाना रक़्स करती जा रही थी साथ साथ
डूबते सूरज की लाली सारबानों से परे
कुछ तो लहरों से हमारी चल रही थी दुश्मनी
कुछ हवा भी साज़िशी थी बादबानों से परे
इक ख़ला ने मुस्तक़िल मुझ में ठिकाना कर लिया
इक ख़ला फैला हुआ है आसमानों से परे
मुझ से वो मिलता है 'आसिफ़' आदमी के भेस में
उस का मुझ से राब्ता है आस्तानों से परे
kuchh sazā.eñ aur bhī haiñ tāziyānoñ se pare
ik asīrī aur bhī hai qaid-ḳhānoñ se pare
ḳhuun jin kā dauḌtā hai sab mashīnoñ meñ yahāñ
vo sisakte log haiñ in kār-ḳhānoñ se pare
jis ke dam se thiiñ hamāre shahr kī sab raunaqeñ
vo bhī jā ke bas gayā hai do jahānoñ se pare
vālihāna raqs kartī jā rahī thī saath saath
Dūbte sūraj kī laalī sārbānoñ se pare
kuchh to lahroñ se hamārī chal rahī thī dushmanī
kuchh havā bhī sāzishī thī bādbānoñ se pare
ik ḳhalā ne mustaqil mujh meñ Thikāna kar liyā
ik ḳhalā phailā huā hai āsmānoñ se pare
mujh se vo miltā hai 'āsif' aadmī ke bhes meñ
us kā mujh se rābta hai āstānoñ se pare
کچھ سزائیں اور بھی ہیں تازیانوں سے پرے
اک اسیری اور بھی ہے قید خانوں سے پرے
خون جن کا دوڑتا ہے سب مشینوں میں یہاں
وہ سسکتے لوگ ہیں ان کارخانوں سے پرے
جس کے دم سے تھیں ہمارے شہر کی سب رونقیں
وہ بھی جا کے بس گیا ہے دو جہانوں سے پرے
والہانہ رقص کرتی جا رہی تھی ساتھ ساتھ
ڈوبتے سورج کی لالی ساربانوں سے پرے
کچھ تو لہروں سے ہماری چل رہی تھی دشمنی
کچھ ہوا بھی سازشی تھی بادبانوں سے پرے
اک خلا نے مستقل مجھ میں ٹھکانہ کر لیا
اک خلا پھیلا ہوا ہے آسمانوں سے پرے
مجھ سے وہ ملتا ہے آصفؔ آدمی کے بھیس میں
اس کا مجھ سے رابطہ ہے آستانوں سے پرے