कुछ ऐसा पास-ए-ग़ैरत उठ गया इस अहद-ए-पुर-फ़न में
कि ज़ेवर हो गया तौक़-ए-ग़ुलामी अपनी गर्दन में
शजर सकते में हैं ख़ामोश हैं बुलबुल नशेमन में
सिधारा क़ाफ़िला फूलों का सन्नाटा है गुलशन में
गराँ थी धूप और शबनम भी जिन पौदों को गुलशन में
तिरी क़ुदरत से वो फूले-फले सहरा के दामन में
हवा-ए-ताज़ा दिल को ख़ुद-बख़ुद बेचैन करती है
क़फ़स में कह गया कोई बहार आई है गुलशन में
मिटाना था उसे भी जज़्बा-ए-शौक़-ए-फ़ना तुझ को
निशान-ए-क़ब्र-ए-मजनूँ दाग़ है सहरा के दामन में
ज़माना में नहीं अहल-ए-हुनर का क़द्र-दाँ बाक़ी
नहीं तो सैकड़ों मोती हैं इस दरिया के दामन में
यहाँ तस्बीह का हल्क़ा वहाँ ज़ुन्नार का फंदा
असीरी लाज़मी है मज़हब-ए-शैख़-ओ-बरहमन में
जिन्हें सींचा था ख़ून-ए-दिल से अगले बाग़बानों ने
तरसते अब हैं पानी को वो पौदे मेरे गुलशन में
दिखाया मो'जिज़ा हुस्न-ए-बशर का दस्त-ए-क़ुदरत ने
भरी तासीर तस्वीर-ए-गिली के रंग-ओ-रोग़न में
शहीद-ए-यास हूँ रुस्वा हूँ नाकामी के हाथों से
जिगर का चाक बढ़ कर आ गया है मेरे दामन में
जहाँ में रह के यूँ क़ाएम हूँ अपनी बे-सबाती पर
कि जैसे अक्स-ए-गुल रहता है आब-ए-जू-ए-गुलशन में
शराब-ए-हुस्न को कुछ और ही तासीर देता है
जवानी के नुमू से बे-ख़बर होना लड़कपन में
शबाब आया है पैदा रंग है रुख़्सार-ए-नाज़ुक से
फ़रोग़-ए-हुस्न कहता है सहर होती है गुलशन में
नहीं होता है मुहताज-ए-नुमाइश फ़ैज़ शबनम का
अँधेरी रात में मोती लुटा जाती है गुलशन में
मता-ए-दर्द-ए-दिल इक दौलत-ए-बेदार है मुझ को
दुर-ए-शहवार हैं अश्क-ए-मोहब्बत मेरे दामन में
न बतलाई किसी ने भी हक़ीक़त राज़-ए-हस्ती की
बुतों से जा के सर फोड़ा बहुत दैर-ए-बरहमन में
पुरानी काविशें दैर-ओ-हरम की मिटती जाती है
नई तहज़ीब के झगड़े हैं अब शैख़-ओ-बरहमन में
उड़ा कर ले गई बाद-ए-ख़िज़ाँ इस साल उस को भी
रहा था एक बर्ग-ए-ज़र्द बाक़ी मेरे गुलशन में
वतन की ख़ाक से मर कर भी हम को उन्स बाक़ी है
मज़ा दामान-ए-मादर का है इस मिट्टी के दामन में
kuchh aisā pās-e-ġhairat uTh gayā is ahd-e-pur-fan meñ
ki zevar ho gayā tauq-e-ġhulāmī apnī gardan meñ
shajar sakte meñ haiñ ḳhāmosh haiñ bulbul nasheman meñ
sidhārā qāfila phūloñ kā sannāTā hai gulshan meñ
garāñ thī dhuup aur shabnam bhī jin paudoñ ko gulshan meñ
tirī qudrat se vo phūle-phale sahrā ke dāman meñ
havā-e-tāza dil ko ḳhud-baḳhud bechain kartī hai
qafas meñ kah gayā koī bahār aa.ī hai gulshan meñ
miTānā thā use bhī jazba-e-shauq-e-fanā tujh ko
nishān-e-qabr-e-majnūñ daaġh hai sahrā ke dāman meñ
zamāna meñ nahīñ ahl-e-hunar kā qadr-dāñ baaqī
nahīñ to saikḌoñ motī haiñ is dariyā ke dāman meñ
yahāñ tasbīh kā halqa vahāñ zunnār kā phandā
asīrī lāzmī hai maz.hab-e-shaiḳh-o-brahman meñ
jinheñ sīñchā thā ḳhūn-e-dil se agle bāġhbānoñ ne
taraste ab haiñ paanī ko vo paude mere gulshan meñ
dikhāyā mo'jiza husn-e-bashar kā dast-e-qudrat ne
bharī tāsīr tasvīr-e-gilī ke rañg-o-roġhan meñ
shahīd-e-yās huuñ rusvā huuñ nākāmī ke hāthoñ se
jigar kā chaak baḌh kar aa gayā hai mere dāman meñ
jahāñ meñ rah ke yuuñ qaa.em huuñ apnī be-sabātī par
ki jaise aks-e-gul rahtā hai āb-e-jū-e-gulshan meñ
sharāb-e-husn ko kuchh aur hī tāsīr detā hai
javānī ke numū se be-ḳhabar honā laḌakpan meñ
shabāb aayā hai paidā rang hai ruḳhsār-e-nāzuk se
faroġh-e-husn kahtā hai sahar hotī hai gulshan meñ
nahīñ hotā hai muhtāj-e-numā.ish faiz shabnam kā
añdherī raat meñ motī luTā jaatī hai gulshan meñ
matā-e-dard-e-dil ik daulat-e-bedār hai mujh ko
dur-e-shahvār haiñ ashk-e-mohabbat mere dāman meñ
na batlā.ī kisī ne bhī haqīqat rāz-e-hastī kī
butoñ se jā ke sar phoḌā bahut dair-e-brahman meñ
purānī kāvisheñ dair-o-haram kī miTtī jaatī hai
na.ī tahzīb ke jhagḌe haiñ ab shaiḳh-o-barahman meñ
uḌā kar le ga.ī bād-e-ḳhizāñ is saal us ko bhī
rahā thā ek barg-e-zard baaqī mere gulshan meñ
vatan kī ḳhaak se mar kar bhī ham ko uns baaqī hai
mazā dāmān-e-mādar kā hai is miTTī ke dāman meñ
کچھ ایسا پاس غیرت اٹھ گیا اس عہد پر فن میں
کہ زیور ہو گیا طوق غلامی اپنی گردن میں
شجر سکتے میں ہیں خاموش ہیں بلبل نشیمن میں
سدھارا قافلہ پھولوں کا سناٹا ہے گلشن میں
گراں تھی دھوپ اور شبنم بھی جن پودوں کو گلشن میں
تری قدرت سے وہ پھولے پھلے صحرا کے دامن میں
ہوائے تازہ دل کو خود بخود بے چین کرتی ہے
قفس میں کہہ گیا کوئی بہار آئی ہے گلشن میں
مٹانا تھا اسے بھی جذبۂ شوق فنا تجھ کو
نشان قبر مجنوں داغ ہے صحرا کے دامن میں
زمانہ میں نہیں اہل ہنر کا قدرداں باقی
نہیں تو سیکڑوں موتی ہیں اس دریا کے دامن میں
یہاں تسبیح کا حلقہ وہاں زنار کا پھندا
اسیری لازمی ہے مذہب شیخ و برہمن میں
جنہیں سینچا تھا خون دل سے اگلے باغبانوں نے
ترستے اب ہیں پانی کو وہ پودے میرے گلشن میں
دکھایا معجزہ حسن بشر کا دست قدرت نے
بھری تاثیر تصویر گلی کے رنگ و روغن میں
شہید یاس ہوں رسوا ہوں ناکامی کے ہاتھوں سے
جگر کا چاک بڑھ کر آ گیا ہے میرے دامن میں
جہاں میں رہ کے یوں قائم ہوں اپنی بے ثباتی پر
کہ جیسے عکس گل رہتا ہے آب جوئے گلشن میں
شراب حسن کو کچھ اور ہی تاثیر دیتا ہے
جوانی کے نمو سے بے خبر ہونا لڑکپن میں
شباب آیا ہے پیدا رنگ ہے رخسار نازک سے
فروغ حسن کہتا ہے سحر ہوتی ہے گلشن میں
نہیں ہوتا ہے محتاج نمائش فیض شبنم کا
اندھیری رات میں موتی لٹا جاتی ہے گلشن میں
متاع درد دل اک دولت بیدار ہے مجھ کو
در شہوار ہیں اشک محبت میرے دامن میں
نہ بتلائی کسی نے بھی حقیقت راز ہستی کی
بتوں سے جا کے سر پھوڑا بہت دیر برہمن میں
پرانی کاوشیں دیر و حرم کی مٹتی جاتی ہے
نئی تہذیب کے جھگڑے ہیں اب شیخ و برہمن میں
اڑا کر لے گئی باد خزاں اس سال اس کو بھی
رہا تھا ایک برگ زرد باقی میرے گلشن میں
وطن کی خاک سے مر کر بھی ہم کو انس باقی ہے
مزا دامان مادر کا ہے اس مٹی کے دامن میں