कोई मंज़िल नहीं मिलती तो ठहर जाते हैं
अश्क आँखों में मुसाफ़िर की तरह आते हैं
क्यूँ तिरे हिज्र के मंज़र पे सितम ढाते हैं
ज़ख़्म भी देते हैं और ख़्वाब भी दिखलाते हैं
हम भी इन बच्चों की मानिंद कोई पल जी लें
एक सिक्का जो हथेली पे सजा लाते हैं
ये तो हर रोज़ का मामूल है हैरान हो क्यूँ
प्यास ही पीते हैं हम भूक ही हम खाते हैं
हर बड़ा बच्चों को जीने की दुआ देता है
हम भी शायद इसी विर्से की सज़ा पाते हैं
सुब्ह ले जाते हैं हम अपना जनाज़ा घर से
शाम को फिर इसे काँधों पे उठा लाते हैं
शहर की भीड़ में क्या हो इसी ख़ातिर 'आज़र'
अपनी पहचान को हम घर में ही छोड़ आते हैं
koī manzil nahīñ miltī to Thahar jaate haiñ
ashk āñkhoñ meñ musāfir kī tarah aate haiñ
kyuuñ tire hijr ke manzar pe sitam Dhāte haiñ
zaḳhm bhī dete haiñ aur ḳhvāb bhī dikhlāte haiñ
ham bhī in bachchoñ kī mānind koī pal jī leñ
ek sikka jo hathelī pe sajā laate haiñ
ye to har roz kā ma.amūl hai hairān ho kyuuñ
pyaas hī piite haiñ ham bhuuk hī ham khāte haiñ
har baḌā bachchoñ ko jiine kī duā detā hai
ham bhī shāyad isī virse kī sazā paate haiñ
sub.h le jaate haiñ ham apnā janāza ghar se
shaam ko phir ise kāñdhoñ pe uThā laate haiñ
shahr kī bhiiḌ meñ kyā ho isī ḳhātir 'āzar'
apnī pahchān ko ham ghar meñ hī chhoḌ aate haiñ
کوئی منزل نہیں ملتی تو ٹھہر جاتے ہیں
اشک آنکھوں میں مسافر کی طرح آتے ہیں
کیوں ترے ہجر کے منظر پہ ستم ڈھاتے ہیں
زخم بھی دیتے ہیں اور خواب بھی دکھلاتے ہیں
ہم بھی ان بچوں کی مانند کوئی پل جی لیں
ایک سکہ جو ہتھیلی پہ سجا لاتے ہیں
یہ تو ہر روز کا معمول ہے حیران ہو کیوں
پیاس ہی پیتے ہیں ہم بھوک ہی ہم کھاتے ہیں
ہر بڑا بچوں کو جینے کی دعا دیتا ہے
ہم بھی شاید اسی ورثے کی سزا پاتے ہیں
صبح لے جاتے ہیں ہم اپنا جنازہ گھر سے
شام کو پھر اسے کاندھوں پہ اٹھا لاتے ہیں
شہر کی بھیڑ میں کیا ہو اسی خاطر آذرؔ
اپنی پہچان کو ہم گھر میں ہی چھوڑ آتے ہیں