कोई हैजान इस को कहता है कोई विज्दान इस को कहता है
कोई कहता है शा'इरी है 'अबस कोई इम्कान इस को कहता है
अपनी अपनी पसंद है सब की अपना अपना है सब का ज़ौक़-ए-सुख़न
वाह कहता है कोई सुन के ग़ज़ल कोई हिज़्यान इस को कहता है
हासिल-ए-'उम्र एक शा'इर का डेढ़ दो सौ वरक़ का मजमू'आ
कोई दीवाना-पन समझता है कोई दीवान इस को कहता है
फ़र्क़ हुस्न-ए-नज़र का होता है एक मोती को देखने में भी
कोई कहता है संग-रेज़ा इसे कोई मरजान इस को कहता है
ले के फिरते हैं अपने सर पे सभी अपने अपने यक़ीन की चादर
कोई कहता है गाए माता है कोई हैवान इस को कहता है
काला पत्थर है जो 'अक़ीदे का सब को मिलता है ये विरासत में
कोई बे-जान इस को कहता है कोई भगवान इस को कहता है
लौह-ए-महफ़ूज़ के मुसन्निफ़ ने जो बराए-बशर किया तहरीर
कोई इंजील इस को कहता है कोई क़ुरआन इस को कहता है
ख़ूब दुर्रे पड़ेंगे 'वासिफ़' को रोज़-ए-महशर दरोग़-गोई पर
एक क़तरे की बात होती है और ये तूफ़ान इस को कहता है
koī haijān is ko kahtā hai koī vijdān is ko kahtā hai
koī kahtā hai shā'irī hai 'abas koī imkān is ko kahtā hai
apnī apnī pasand hai sab kī apnā apnā hai sab kā zauq-e-suḳhan
vaah kahtā hai koī sun ke ġhazal koī hizyān is ko kahtā hai
hāsil-e-'umr ek shā'ir kā DeḌh do sau varaq kā majmū'a
koī dīvāna-pan samajhtā hai koī dīvān is ko kahtā hai
farq husn-e-nazar kā hotā hai ek motī ko dekhne meñ bhī
koī kahtā hai sang-reza ise koī marjān is ko kahtā hai
le ke phirte haiñ apne sar pe sabhī apne apne yaqīn kī chādar
koī kahtā hai gaa.e maatā hai koī haivān is ko kahtā hai
kaalā patthar hai jo 'aqīde kā sab ko miltā hai ye virāsat meñ
koī be-jān is ko kahtā hai koī bhagvān is ko kahtā hai
lauh-e-mahfūz ke musannif ne jo barā.e-bashar kiyā tahrīr
koī injīl is ko kahtā hai koī qur.ān is ko kahtā hai
ḳhuub durre paḌeñge 'vāsif' ko roz-e-mahshar daroġh-goī par
ek qatre kī baat hotī hai aur ye tūfān is ko kahtā hai
کوئی ہیجان اس کو کہتا ہے کوئی وجدان اس کو کہتا ہے
کوئی کہتا ہے شاعری ہے عبث کوئی امکان اس کو کہتا ہے
اپنی اپنی پسند ہے سب کی اپنا اپنا ہے سب کا ذوق سخن
واہ کہتا ہے کوئی سن کے غزل کوئی ہذیان اس کو کہتا ہے
حاصل عمر ایک شاعر کا ڈیڑھ دو سو ورق کا مجموعہ
کوئی دیوانہ پن سمجھتا ہے کوئی دیوان اس کو کہتا ہے
فرق حسن نظر کا ہوتا ہے ایک موتی کو دیکھنے میں بھی
کوئی کہتا ہے سنگ ریزہ اسے کوئی مرجان اس کو کہتا ہے
لے کے پھرتے ہیں اپنے سر پہ سبھی اپنے اپنے یقین کی چادر
کوئی کہتا ہے گائے ماتا ہے کوئی حیوان اس کو کہتا ہے
کالا پتھر ہے جو عقیدے کا سب کو ملتا ہے یہ وراثت میں
کوئی بے جان اس کو کہتا ہے کوئی بھگوان اس کو کہتا ہے
لوح محفوظ کے مصنف نے جو برائے بشر کیا تحریر
کوئی انجیل اس کو کہتا ہے کوئی قرآن اس کو کہتا ہے
خوب درے پڑیں گے واصفؔ کو روز محشر دروغ گوئی پر
ایک قطرے کی بات ہوتی ہے اور یہ طوفان اس کو کہتا ہے