किया है संदलीं-रंगों ने दर बंद
मिरा हो किस तरह से दर्द-ए-सर बंद
नहीं हैं तेरे दाम-ए-ज़ुल्फ़ में दिल
लटकते हैं हज़ारों मुर्ग़ पर-बंद
नहीं बुत-ख़ाना ओ का'बा पे मौक़ूफ़
हुआ हर एक पत्थर में शरर बंद
रक़ीबों से हुई है बज़्म ख़ाली
करो दरवाज़ा बे-ख़ौफ़-ओ-ख़तर बंद
तमाशा बंद आँखों में है मुझ को
हुई मेरी ब-ज़ाहिर चश्म-ए-तर बंद
नहीं दुनिया में आज़ादी किसी को
है दिन में शम्स और शब को क़मर बंद
दिखाओ मय-कशो अब ज़ोर-ए-मस्ती
किया ज़ाहिद ने मय-ख़ाने का दर बंद
दर-ए-जानाँ भी इक मरजा है 'बहराम'
हुजूम-ए-आशिक़ाँ है रहगुज़र बंद
kiyā hai sandalīñ-rañgoñ ne dar band
mirā ho kis tarah se dard-e-sar band
nahīñ haiñ tere dām-e-zulf meñ dil
laTakte haiñ hazāroñ murġh par-band
nahīñ but-ḳhāna o ka.aba pe mauqūf
huā har ek patthar meñ sharar band
raqīboñ se huī hai bazm ḳhālī
karo darvāza be-ḳhauf-o-ḳhatar band
tamāshā band āñkhoñ meñ hai mujh ko
huī merī ba-zāhir chashm-e-tar band
nahīñ duniyā meñ āzādī kisī ko
hai din meñ shams aur shab ko qamar band
dikhāo mai-kasho ab zor-e-mastī
kiyā zāhid ne mai-ḳhāne kā dar band
dar-e-jānāñ bhī ik marja.a hai 'bahrām'
hujūm-e-āshiqāñ hai rahguzar band
کیا ہے صندلیں رنگوں نے در بند
مرا ہو کس طرح سے درد سر بند
نہیں ہیں تیرے دام زلف میں دل
لٹکتے ہیں ہزاروں مرغ پر بند
نہیں بت خانہ و کعبہ پہ موقوف
ہوا ہر ایک پتھر میں شرر بند
رقیبوں سے ہوئی ہے بزم خالی
کرو دروازہ بے خوف و خطر بند
تماشا بند آنکھوں میں ہے مجھ کو
ہوئی میری بظاہر چشم تر بند
نہیں دنیا میں آزادی کسی کو
ہے دن میں شمس اور شب کو قمر بند
دکھاؤ مے کشو اب زور مستی
کیا زاہد نے مے خانے کا در بند
در جاناں بھی اک مرجع ہے بہرامؔ
ہجوم عاشقاں ہے رہ گزر بند