किसी से फ़िक्र किसी से नज़र मिले न मिले
सफ़र है शर्त कोई हम-सफ़र मिले न मिले
सुकूँ से काट लें कुछ और भी बहार के दिन
फिर इस के बाद क़फ़स मो'तबर मिले न मिले
ख़ुद अपने साए में कुछ देर बैठ कर दम लें
हमारी राह में कोई शजर मिले न मिले
ख़ुशी का लम्हा कोई राएगाँ न जाने दो
ये ना-मुराद कभी वक़्त पर मिले न मिले
चलो कि मंज़िलें हम को पुकारती हैं 'वक़ार'
न इंतिज़ार करो राहबर मिले न मिले
kisī se fikr kisī se nazar mile na mile
safar hai shart koī ham-safar mile na mile
sukūñ se kaaT leñ kuchh aur bhī bahār ke din
phir is ke baad qafas mo'atabar mile na mile
ḳhud apne saa.e meñ kuchh der baiTh kar dam leñ
hamārī raah meñ koī shajar mile na mile
ḳhushī kā lamha koī rā.egāñ na jaane do
ye nā-murād kabhī vaqt par mile na mile
chalo ki manzileñ ham ko pukārtī haiñ 'vaqār'
na intizār karo rāhbar mile na mile
کسی سے فکر کسی سے نظر ملے نہ ملے
سفر ہے شرط کوئی ہم سفر ملے نہ ملے
سکوں سے کاٹ لیں کچھ اور بھی بہار کے دن
پھر اس کے بعد قفس معتبر ملے نہ ملے
خود اپنے سائے میں کچھ دیر بیٹھ کر دم لیں
ہماری راہ میں کوئی شجر ملے نہ ملے
خوشی کا لمحہ کوئی رائیگاں نہ جانے دو
یہ نا مراد کبھی وقت پر ملے نہ ملے
چلو کہ منزلیں ہم کو پکارتی ہیں وقارؔ
نہ انتظار کرو راہبر ملے نہ ملے