किसी की किसी को मोहब्बत नहीं है
अभी इस की दुनिया को लज़्ज़त नहीं है
अगर तुम को मिलने की फ़ुर्सत नहीं है
मुझे भी ज़ियादा ज़रूरत नहीं है
बहुत ख़ुशनुमा है गुलिस्तान-ए-आलम
मगर सैर करने की फ़ुर्सत नहीं है
बहुत से घरों में ख़ज़ाने हैं मदफ़ूँ
नहीं है तो गंज-ए-क़नाअत नहीं है
कहाँ तक न बेहोश-ओ-बे-ख़ुद करेगी
मय-ए-वस्ल है कोई शर्बत नहीं है
ख़यालात में अपने हूँ ग़र्क़ वाइज़
मुझे कहने सुनने की फ़ुर्सत नहीं है
दिखाते नहीं शर्म से रू-ए-रौशन
कोई कामयाबी की सूरत नहीं है
तज़लज़ुल में किस वास्ते है ज़माना
शब-ए-हिज्र है ये क़यामत नहीं है
कहाँ ऐ परी तू कहाँ हूर-ए-जन्नत
तिरी उस की आपस में निस्बत नहीं है
मिरी क़ुमरियों के सिवा कौन इंसाँ
ये शमशाद है इस की क़ामत नहीं है
वो उठ्ठे तो लाखों ही फ़ित्ने उठेंगे
वो क़ामत भी कम-अज़-क़यामत नहीं है
न क्यूँ दिल लगे याँ वो है और ख़ल्वत
ये हूरा नहीं है ये जन्नत नहीं है
जफ़ाएँ न कीजे न कीजे न कीजे
तहम्मुल की अब मुझ को ताक़त नहीं है
तलातुम में मसरूफ़ है क़तरा क़तरा
कोई शय यहाँ बे-हक़ीक़त नहीं है
जहाँ तक बने तुम से बे-दाद कर लो
अगर आने वाली क़यामत नहीं है
लरज़ता है क्यूँ डर से ऐ जिस्म-ए-लाग़र
ये धड़का है दिल का क़यामत नहीं है
हसीनों की चाहत हसीनों की उल्फ़त
मुसीबत भी है और मुसीबत नहीं है
तुम्हें आशिक़ और मुझ को माशूक़ लाखों
यहाँ आदमिय्यों की क़िल्लत नहीं है
सँभल कर ज़रा नाज़-ओ-अग़माज़ कीजे
हसीनों की दुनिया में क़िल्लत नहीं है
ज़माने में होने को सब कुछ है 'परवीं'
हमें क्या उमीद-ए-शफ़ाअत नहीं है
kisī kī kisī ko mohabbat nahīñ hai
abhī is kī duniyā ko lazzat nahīñ hai
agar tum ko milne kī fursat nahīñ hai
mujhe bhī ziyāda zarūrat nahīñ hai
bahut ḳhushnumā hai gulistān-e-ālam
magar sair karne kī fursat nahīñ hai
bahut se gharoñ meñ ḳhazāne haiñ madfūñ
nahīñ hai to ganj-e-qanā.at nahīñ hai
kahāñ tak na behosh-o-be-ḳhud karegī
mai-e-vasl hai koī sharbat nahīñ hai
ḳhayālāt meñ apne huuñ ġharq vaa.iz
mujhe kahne sunñe kī fursat nahīñ hai
dikhāte nahīñ sharm se rū-e-raushan
koī kāmyābī kī sūrat nahīñ hai
tazalzul meñ kis vāste hai zamāna
shab-e-hijr hai ye qayāmat nahīñ hai
kahāñ ai parī tū kahāñ hūr-e-jannat
tirī us kī aapas meñ nisbat nahīñ hai
mirī qumriyoñ ke sivā kaun insāñ
ye shamshād hai is kī qāmat nahīñ hai
vo uTThe to lākhoñ hī fitne uTheñge
vo qāmat bhī kam-az-qayāmat nahīñ hai
na kyuuñ dil lage yaañ vo hai aur ḳhalvat
ye huurā nahīñ hai ye jannat nahīñ hai
jafā.eñ na kiije na kiije na kiije
tahammul kī ab mujh ko tāqat nahīñ hai
talātum meñ masrūf hai qatra qatra
koī shai yahāñ be-haqīqat nahīñ hai
jahāñ tak bane tum se be-dād kar lo
agar aane vaalī qayāmat nahīñ hai
laraztā hai kyuuñ Dar se ai jism-e-lāġhar
ye dhaḌkā hai dil kā qayāmat nahīñ hai
hasīnoñ kī chāhat hasīnoñ kī ulfat
musībat bhī hai aur musībat nahīñ hai
tumheñ āshiq aur mujh ko ma.ashūq lākhoñ
yahāñ ādamiyyoñ kī qillat nahīñ hai
sambhal kar zarā nāz-o-aġhmāz kiije
hasīnoñ kī duniyā meñ qillat nahīñ hai
zamāne meñ hone ko sab kuchh hai 'parvīñ'
hameñ kyā umīd-e-shafā.at nahīñ hai
کسی کی کسی کو محبت نہیں ہے
ابھی اس کی دنیا کو لذت نہیں ہے
اگر تم کو ملنے کی فرصت نہیں ہے
مجھے بھی زیادہ ضرورت نہیں ہے
بہت خوش نما ہے گلستان عالم
مگر سیر کرنے کی فرصت نہیں ہے
بہت سے گھروں میں خزانے ہیں مدفوں
نہیں ہے تو گنج قناعت نہیں ہے
کہاں تک نہ بے ہوش و بے خود کرے گی
مئے وصل ہے کوئی شربت نہیں ہے
خیالات میں اپنے ہوں غرق واعظ
مجھے کہنے سننے کی فرصت نہیں ہے
دکھاتے نہیں شرم سے روئے روشن
کوئی کامیابی کی صورت نہیں ہے
تزلزل میں کس واسطے ہے زمانہ
شب ہجر ہے یہ قیامت نہیں ہے
کہاں اے پری تو کہاں حور جنت
تری اس کی آپس میں نسبت نہیں ہے
مری قمریوں کے سوا کون انساں
یہ شمشاد ہے اس کی قامت نہیں ہے
وہ اٹھے تو لاکھوں ہی فتنے اٹھیں گے
وہ قامت بھی کم از قیامت نہیں ہے
نہ کیوں دل لگے یاں وہ ہے اور خلوت
یہ حورا نہیں ہے یہ جنت نہیں ہے
جفائیں نہ کیجے نہ کیجے نہ کیجے
تحمل کی اب مجھ کو طاقت نہیں ہے
تلاطم میں مصروف ہے قطرہ قطرہ
کوئی شے یہاں بے حقیقت نہیں ہے
جہاں تک بنے تم سے بیداد کر لو
اگر آنے والی قیامت نہیں ہے
لرزتا ہے کیوں ڈر سے اے جسم لاغر
یہ دھڑکا ہے دل کا قیامت نہیں ہے
حسینوں کی چاہت حسینوں کی الفت
مصیبت بھی ہے اور مصیبت نہیں ہے
تمہیں عاشق اور مجھ کو معشوق لاکھوں
یہاں آدمیوں کی قلت نہیں ہے
سنبھل کر ذرا ناز و اغماض کیجے
حسینوں کی دنیا میں قلت نہیں ہے
زمانہ میں ہونے کو سب کچھ ہے پرویںؔ
ہمیں کیا امید شفاعت نہیں ہے