किसी के रू-ब-रू बैठा रहा मैं बे-ज़बाँ हो कर
मिरी आँखों से हसरत फूट निकली दास्ताँ हो कर
ख़ुदा-हाफ़िज़ किसी के राज़-ए-उल्फ़त का ख़ुदा-हाफ़िज़
ख़याल आते ही अब तो दिल धड़कता है फ़ुग़ाँ हो कर
पिया आब-ए-बक़ा ऐ ख़िज़्र अब तासीर भी देखो
क़यामत तक रहो पाबंद उम्र-ए-जावेदाँ हो कर
यकायक वो मरीज़-ए-ग़म की सूरत का बदल जाना
वो रो देना किसी ना-मेहरबाँ का मेहरबाँ हो कर
किताब-ए-दहर का दिलचस्प टुकड़ा है मिरी हस्ती
मुझे देखो कि बैठा हूँ मुजस्सम दास्ताँ हो कर
सुना है इस तरफ़ से भी जनाब इश्क़ गुज़़रेंगे
मिरी हस्ती न उड़ जाए ग़ुबार-ए-कारवाँ हो कर
kisī ke rū-ba-rū baiThā rahā maiñ be-zabāñ ho kar
mirī āñkhoñ se hasrat phuuT niklī dāstāñ ho kar
ḳhudā-hāfiz kisī ke rāz-e-ulfat kā ḳhudā-hāfiz
ḳhayāl aate hī ab to dil dhaḌaktā hai fuġhāñ ho kar
piyā āb-e-baqā ai ḳhizr ab tāsīr bhī dekho
qayāmat tak raho pāband umr-e-jāvedāñ ho kar
yakāyak vo marīz-e-ġham kī sūrat kā badal jaanā
vo ro denā kisī nā-mehrbāñ kā mehrbāñ ho kar
kitāb-e-dahr kā dilchasp TukḌā hai mirī hastī
mujhe dekho ki baiThā huuñ mujassam dāstāñ ho kar
sunā hai is taraf se bhī janāb ishq guzreñge
mirī hastī na uḌ jaa.e ġhubār-e-kārvāñ ho kar
کسی کے روبرو بیٹھا رہا میں بے زباں ہو کر
مری آنکھوں سے حسرت پھوٹ نکلی داستاں ہو کر
خدا حافظ کسی کے راز الفت کا خدا حافظ
خیال آتے ہی اب تو دل دھڑکتا ہے فغاں ہو کر
پیا آب بقا اے خضر اب تاثیر بھی دیکھو
قیامت تک رہو پابند عمر جاوداں ہو کر
یکایک وہ مریض غم کی صورت کا بدل جانا
وہ رو دینا کسی نا مہرباں کا مہرباں ہو کر
کتاب دہر کا دلچسپ ٹکڑا ہے مری ہستی
مجھے دیکھو کہ بیٹھا ہوں مجسم داستاں ہو کر
سنا ہے اس طرف سے بھی جناب عشق گزریں گے
مری ہستی نہ اڑ جائے غبار کارواں ہو کر