किस वक़्त बुझी शम'-ए-तमन्ना मिरे आगे
सूरज मिरे पीछे है तो साया मिरे आगे
देखा तो शनासा नज़र आया नहीं इंसाँ
सोचा तो दिल-ए-संग भी धड़का मिरे आगे
इस बज़्म को ख़ल्वत-गह-ए-अम्बोह ही कहिए
इस बज़्म में हर शख़्स है तन्हा मिरे आगे
शायद कि यहीं पर है मिरे नाम की सूली
आता है बहुत दिन से मसीहा मिरे आगे
मैं सोच रहा था कि ये रुत कौन सी होगी
ना-गाह गिरा टूट के पत्ता मिरे आगे
मसरूफ़-ए-सुख़न रहता हूँ मैं किस से शब-ओ-रोज़
रहता है बराबर कोई चेहरा मिरे आगे
ख़ुद बीच में हाएल है मिरी ज़ात ही प्यारे
देखूँ तुझे क्यूँकर कि है पर्दा मिरे आगे
'हशमी' शजर-ए-शब के ये फैले हुए साए
और वो है कि इक धूप का टुकड़ा मिरे आगे
kis vaqt bujhī sham'-e-tamannā mire aage
sūraj mire pīchhe hai to saayā mire aage
dekhā to shanāsā nazar aayā nahīñ insāñ
sochā to dil-e-sang bhī dhaḌkā mire aage
is bazm ko ḳhalvat-gah-e-amboh hī kahiye
is bazm meñ har shaḳhs hai tanhā mire aage
shāyad ki yahīñ par hai mire naam kī suulī
aatā hai bahut din se masīhā mire aage
maiñ soch rahā thā ki ye rut kaun sī hogī
nā-gāh girā TuuT ke pattā mire aage
masrūf-e-suḳhan rahtā huuñ maiñ kis se shab-o-roz
rahtā hai barābar koī chehra mire aage
ḳhud biich meñ haa.el hai mirī zaat hī pyāre
dekhūñ tujhe kyūñkar ki hai parda mire aage
'hashmī' shajar-e-shab ke ye phaile hue saa.e
aur vo hai ki ik dhuup kā TukḌā mire aage
کس وقت بجھی شمع تمنا مرے آگے
سورج مرے پیچھے ہے تو سایا مرے آگے
دیکھا تو شناسا نظر آیا نہیں انساں
سوچا تو دل سنگ بھی دھڑکا مرے آگے
اس بزم کو خلوت گہہ انبوہ ہی کہیے
اس بزم میں ہر شخص ہے تنہا مرے آگے
شاید کہ یہیں پر ہے مرے نام کی سولی
آتا ہے بہت دن سے مسیحا مرے آگے
میں سوچ رہا تھا کہ یہ رت کون سی ہوگی
ناگاہ گرا ٹوٹ کے پتا مرے آگے
مصروف سخن رہتا ہوں میں کس سے شب و روز
رہتا ہے برابر کوئی چہرہ مرے آگے
خود بیچ میں حائل ہے مری ذات ہی پیارے
دیکھوں تجھے کیونکر کہ ہے پردہ مرے آگے
حشمیؔ شجر شب کے یہ پھیلے ہوئے سائے
اور وہ ہے کہ اک دھوپ کا ٹکڑا مرے آگے