किस किस को आज रोइए क्या क्या गया नहीं
कहते हैं लोग घर कोई लूटा गया नहीं
कहते हैं जिस को हासिल-ए-बहबूदी-ए-हयात
ऐसा कोई सवाल उठाया गया नहीं
मेरा भी ज़िक्र-ए-ख़ैर हो हर बज़्म-ए-नाज़ में
ऐसा मिरे नसीब में लिक्खा गया नहीं
वो भी मिरा चलन था कि शीराज़ा-ए-हयात
बिखरा कुछ इस तरह कि समेटा गया नहीं
अब भी खनक नहीं है नवेद-ए-बहार में
सेहन-ए-चमन से ख़ौफ़ ख़िज़ाँ का गया नहीं
अब क्या करें ख़ुलूस-ओ-मुरव्वत के तज़्किरे
हिर्स-ओ-हवस से दूर ज़माना गया नहीं
हर इक क़दम पे साया-ए-आ'माल साथ था
कोई 'अदम के शहर में तन्हा गया नहीं
मैं ख़ुद-बख़ुद बना हूँ तमाशाइयों से पूछ
कोई मुझे बना के तमाशा गया नहीं
अब आप क्या करेंगे मदावा-ए-सोज़-ए-ग़म
मंज़र तो ग़म का आप से देखा गया नहीं
जज़्बा-ए-सब्र-ओ-शुक्र मेरे काम आ गया
क्या था जो मेरे बख़्त में लिक्खा गया नहीं
सच तो ये है नसीब मुआफ़िक़ नहीं मिरा
ऐ 'दर्द' दे के वो मुझे धोका गया नहीं
kis kis ko aaj roiye kyā kyā gayā nahīñ
kahte haiñ log ghar koī luuTā gayā nahīñ
kahte haiñ jis ko hāsil-e-bahbūdī-e-hayāt
aisā koī savāl uThāyā gayā nahīñ
merā bhī zikr-e-ḳhair ho har bazm-e-nāz meñ
aisā mire nasīb meñ likkhā gayā nahīñ
vo bhī mirā chalan thā ki shīrāza-e-hayāt
bikhrā kuchh is tarah ki sameTā gayā nahīñ
ab bhī khanak nahīñ hai naved-e-bahār meñ
sehn-e-chaman se ḳhauf ḳhizāñ kā gayā nahīñ
ab kyā kareñ ḳhulūs-o-muravvat ke tazkire
hirs-o-havas se duur zamāna gayā nahīñ
har ik qadam pe sāya-e-ā'māl saath thā
koī 'adam ke shahr meñ tanhā gayā nahīñ
maiñ ḳhud-baḳhud banā huuñ tamāshā.iyoñ se pūchh
koī mujhe banā ke tamāshā gayā nahīñ
ab aap kyā kareñge madāvā-e-soz-e-ġham
manzar to ġham kā aap se dekhā gayā nahīñ
jazba-e-sabr-o-shukr mere kaam aa gayā
kyā thā jo mere baḳht meñ likkhā gayā nahīñ
sach to ye hai nasīb muāfiq nahīñ mirā
ai 'dard' de ke vo mujhe dhokā gayā nahīñ
کس کس کو آج روئیے کیا کیا گیا نہیں
کہتے ہیں لوگ گھر کوئی لوٹا گیا نہیں
کہتے ہیں جس کو حاصل بہبودیٔ حیات
ایسا کوئی سوال اٹھایا گیا نہیں
میرا بھی ذکر خیر ہو ہر بزم ناز میں
ایسا مرے نصیب میں لکھا گیا نہیں
وہ بھی مرا چلن تھا کہ شیرازۂ حیات
بکھرا کچھ اس طرح کہ سمیٹا گیا نہیں
اب بھی کھنک نہیں ہے نوید بہار میں
صحن چمن سے خوف خزاں کا گیا نہیں
اب کیا کریں خلوص و مروت کے تذکرے
حرص و ہوس سے دور زمانہ گیا نہیں
ہر اک قدم پہ سایۂ اعمال ساتھ تھا
کوئی عدم کے شہر میں تنہا گیا نہیں
میں خود بخود بنا ہوں تماشائیوں سے پوچھ
کوئی مجھے بنا کے تماشا گیا نہیں
اب آپ کیا کریں گے مداوائے سوز غم
منظر تو غم کا آپ سے دیکھا گیا نہیں
جذبۂ صبر و شکر میرے کام آ گیا
کیا تھا جو میرے بخت میں لکھا گیا نہیں
سچ تو یہ ہے نصیب موافق نہیں مرا
اے دردؔ دے کے وہ مجھے دھوکا گیا نہیں