किस का दरवाज़ा खटखटाती है
दूर तक ख़्वाहिश उड़ती जाती है
दिल वो मेरा अजब बहानों से
तोड़ती है कभी बनाती है
जूँ ही होती हूँ गुम कहानी में
तिरी तस्वीर ढूँड लाती है
दस मोहर्रम को प्यास कर्बल की
मुझ को हर बार ही रुलाती है
अपनी ज़र-ख़ेज़ियाँ बढ़ाने को
गीली मिट्टी मुझे बुलाती है
इश्क़ 'अम्बर' वो बे-क़रारी है
लगती है और बढ़ती जाती है
kis kā darvāza khaTkhaTātī hai
duur tak ḳhvāhish uḌtī jaatī hai
dil vo merā ajab bahānoñ se
toḌtī hai kabhī banātī hai
juuñ hī hotī huuñ gum kahānī meñ
tirī tasvīr DhūñD laatī hai
das moharram ko pyaas karbal kī
mujh ko har baar hī rulātī hai
apnī zar-ḳheziyāñ baḌhāne ko
giilī miTTī mujhe bulātī hai
ishq 'amabar' vo be-qarārī hai
lagtī hai aur baḌhtī jaatī hai
کس کا دروازہ کھٹکھٹاتی ہے
دور تک خواہش اڑتی جاتی ہے
دل وہ میرا عجب بہانوں سے
توڑتی ہے کبھی بناتی ہے
جوں ہی ہوتی ہوں گم کہانی میں
تری تصویر ڈھونڈ لاتی ہے
دس محرم کو پیاس کربل کی
مجھ کو ہر بار ہی رلاتی ہے
اپنی زر خیزیاں بڑھانے کو
گیلی مٹی مجھے بلاتی ہے
عشق عنبرؔ وہ بے قراری ہے
لگتی ہے اور بڑھتی جاتی ہے