किस हथेली पे पा-पोश सींचे गए किस कहानी को बे-नाम रखा गया
ज़ानू-ए-दिल पे कल शब बड़ी भीड़ थी जिस के बरते पे अंजाम रखा गया
हम शुरूअ' मोहब्बत से नादार थे अपनी आँखों से होंटों से बेज़ार थे
हम से क्या पूछते हो लहू की खनक जिस के रेशों में इबहाम रखा गया
इंतिहाओं में तुझ से अलग हो गए इब्तिदाओं से ही सहल-अंदाज़ थे
'उम्र के रेग-ज़ारों से गुज़रे नहीं और शानों पे इल्ज़ाम रखा गया
रौनक़ों में तमाशा बने रात दिन ख़ल्वती थे सदा ख़ल्वती ही रहे
मुश्क की नाँद कूल्हे पे देखी गई और पहलू में इल्हाम रखा गया
ऐसी बे-वुक़'अती से तराशा गया अपने होने पे नादिम रहे 'उम्र भर
ख़ुश्क मिट्टी के ढेलों को यकजा किया आँधियों के तले नाम रखा गया
रस-भरी कुहनियों को निचोड़ा गया शहर के चौक में ला के छोड़ा गया
जिस्म के ढीले तारों को कसते रहे और भीतर में कोहराम रखा गया
गोलियों से उधड़ते रहे नाम भी बाम-ओ-दर की हिकायत अधूरी रही
बाम-ओ-दर की हिकायत कि जिस के एवज़ बख़्त में दाना-ओ-दाम रखा गया
जाम में तुंद पानी भरा देखिए अब चराग़ों की लौ को मिरा देखिए
सुर्ख़ क़ालीन और इस पे बिछती ग़ज़ल जिस के ज़ानू पे एहराम रखा गया
kis hathelī pe pā-posh sīñche ga.e kis kahānī ko be-nām rakhā gayā
zānū-e-dil pe kal shab baḌī bhiiḌ thī jis ke barte pe anjām rakhā gayā
ham shurūa mohabbat se nādār the apnī āñkhoñ se hoñToñ se bezār the
ham se kyā pūchhte ho lahū kī khanak jis ke reshoñ meñ ib.hām rakhā gayā
intihāoñ meñ tujh se alag ho ga.e ibtidāoñ se hī sahl-andāz the
'umr ke reg-zāroñ se guzre nahīñ aur shānoñ pe ilzām rakhā gayā
raunaqoñ meñ tamāshā bane raat din ḳhalvatī the sadā ḳhalvatī hī rahe
mushk kī naañd kūlhe pe dekhī ga.ī aur pahlū meñ ilhām rakhā gayā
aisī be-vuq.atī se tarāshā gayā apne hone pe nādim rahe 'umr bhar
ḳhushk miTTī ke Dheloñ ko yakjā kiyā āñdhiyoñ ke tale naam rakhā gayā
ras-bharī kuhniyoñ ko nichoḌā gayā shahr ke chauk meñ lā ke chhoḌā gayā
jism ke Dhīle tāroñ ko kaste rahe aur bhītar meñ kohrām rakhā gayā
goliyoñ se udhaḌte rahe naam bhī bām-o-dar kī hikāyat adhūrī rahī
bām-o-dar kī hikāyat ki jis ke evaz baḳht meñ dāna-o-dām rakhā gayā
jaam meñ tund paanī bharā dekhiye ab charāġhoñ kī lau ko mirā dekhiye
surḳh qālīn aur is pe bichhtī ġhazal jis ke zaanū pe ehrām rakhā gayā
کس ہتھیلی پہ پاپوش سینچے گئے کس کہانی کو بے نام رکھا گیا
زانوئے دل پہ کل شب بڑی بھیڑ تھی جس کے برتے پہ انجام رکھا گیا
ہم شروع محبت سے نادار تھے اپنی آنکھوں سے ہونٹوں سے بیزار تھے
ہم سے کیا پوچھتے ہو لہو کی کھنک جس کے ریشوں میں ابہام رکھا گیا
انتہاؤں میں تجھ سے الگ ہو گئے ابتداؤں سے ہی سہل انداز تھے
عمر کے ریگ زاروں سے گزرے نہیں اور شانوں پہ الزام رکھا گیا
رونقوں میں تماشا بنے رات دن خلوتی تھے صدا خلوتی ہی رہے
مشک کی ناند کولھے پہ دیکھی گئی اور پہلو میں الہام رکھا گیا
ایسی بے وقعتی سے تراشا گیا اپنے ہونے پہ نادم رہے عمر بھر
خشک مٹی کے ڈھیلوں کو یکجا کیا آندھیوں کے تلے نام رکھا گیا
رس بھری کہنیوں کو نچوڑا گیا شہر کے چوک میں لا کے چھوڑا گیا
جسم کے ڈھیلے تاروں کو کستے رہے اور بھیتر میں کہرام رکھا گیا
گولیوں سے ادھڑتے رہے نام بھی بام و در کی حکایت ادھوری رہی
بام و در کی حکایت کہ جس کے عوض بخت میں دانہ و دام رکھا گیا
جام میں تند پانی بھرا دیکھیے اب چراغوں کی لو کو مرا دیکھیے
سرخ قالین اور اس پہ بچھتی غزل جس کے زانو پہ احرام رکھا گیا