ख़ुश-रंग है गुल से गुल-ए-रुख़्सार तुम्हारा
रैहाँ से सिवा ख़त है नुमूदार तुम्हारा
मतलूब हो तुम दिल है तलबगार तुम्हारा
ये आइना है तिश्ना-ए-दीदार तुम्हारा
यूसुफ़ को कभी मुफ़्त भी लेती न 'ज़ुलेखा'
नज़्ज़ारा जो करती सर-ए-बाज़ार तुम्हारा
दामन का भी बोसा न लिया फ़र्त-ए-अदब से
अब तक नहीं ये बंदा गुनहगार तुम्हारा
गर्मी से जो ख़ुर्शीद-ए-क़यामत की जलेंगे
याद आएगा ये साया-ए-दीवार तुम्हारा
उश्शाक़ के सज्दों का भला ज़िक्र ही क्या है
हिंदू-ओ-मुसलमाँ है परस्तार तुम्हारा
तूती की तरह क्यूँ न सुख़न-संज हो 'अहक़र'
है सामने आईना-ए-रुख़्सार तुम्हारा
ḳhush-rañg hai gul se gul-e-ruḳhsār tumhārā
raihāñ se sivā ḳhat hai numūdār tumhārā
matlūb ho tum dil hai talabgār tumhārā
ye aa.ina hai tishna-e-dīdār tumhārā
yūsuf ko kabhī muft bhī letī na 'zuleḳhā'
nazzāra jo kartī sar-e-bāzār tumhārā
dāman kā bhī bosa na liyā fart-e-adab se
ab tak nahīñ ye banda gunahgār tumhārā
garmī se jo ḳhurshīd-e-qayāmat kī jaleñge
yaad aa.egā ye sāya-e-dīvār tumhārā
ushshāq ke sajdoñ kā bhalā zikr hī kyā hai
hindū-o-musalmāñ hai parastār tumhārā
tuutī kī tarah kyuuñ na suḳhan-sanj ho 'ahqar'
hai sāmne ā.īna-e-ruḳhsār tumhārā
خوش رنگ ہے گل سے گل رخسار تمہارا
ریحاں سے سوا خط ہے نمودار تمہارا
مطلوب ہو تم دل ہے طلب گار تمہارا
یہ آئنہ ہے تشنۂ دیدار تمہارا
یوسف کو کبھی مفت بھی لیتی نہ زلیخاؔ
نظارہ جو کرتی سر بازار تمہارا
دامن کا بھی بوسہ نہ لیا فرط ادب سے
اب تک نہیں یہ بندہ گنہ گار تمہارا
گرمی سے جو خورشید قیامت کی جلیں گے
یاد آئے گا یہ سایۂ دیوار تمہارا
عشاق کے سجدوں کا بھلا ذکر ہی کیا ہے
ہندو و مسلماں ہے پرستار تمہارا
طوطی کی طرح کیوں نہ سخن سنج ہو احقرؔ
ہے سامنے آئینۂ رخسار تمہارا