दिखाते हैं अदा कुछ भी तो आफ़त आ ही जाती है
सँभल कर लाख चलते हैं क़यामत आ ही जाती है
मोहब्बत में हैं सब्र-ओ-शुक्र के हर-चंद हम क़ाइल
मगर कुछ कुछ कभी लब पर शिकायत आ ही जाती है
जो सच पूछो तो हैं आशिक़ भी पैरव नाज़नीनों के
बदन में ना-तवानी से नज़ाकत आ ही जाती है
मजाज़ इक पर्दा-ए-इदराक है तो चश्म-ए-बीना को
किसी सूरत नज़र शक्ल-ए-हक़ीक़त आ ही जाती है
नहीं जज़्ब-ए-दिल-ए-आशिक़ से है मा'शूक़ को चारा
अगर बेदर्द भी हो तो मोहब्बत आ ही जाती है
बुतान-ए-सीम-तन के वस्ल से हम फ़ैज़ पाते हैं
वो आते हैं तो अपने घर में दौलत आ ही जाती है
तिरे अशआ'र-ए-रंगीं से भला फ़रहत न हो 'अहक़र'
कि इन फूलों से ख़ुश्बू-ए-फ़साहत आ ही जाती है
dikhāte haiñ adā kuchh bhī to aafat aa hī jaatī hai
sambhal kar laakh chalte haiñ qayāmat aa hī jaatī hai
mohabbat meñ haiñ sabr-o-shukr ke har-chand ham qaa.il
magar kuchh kuchh kabhī lab par shikāyat aa hī jaatī hai
jo sach pūchho to haiñ āshiq bhī pairav nāznīnoñ ke
badan meñ nā-tavānī se nazākat aa hī jaatī hai
majāz ik parda-e-idrāk hai to chashm-e-bīnā ko
kisī sūrat nazar shakl-e-haqīqat aa hī jaatī hai
nahīñ jazb-e-dil-e-āshiq se hai ma.ashūq ko chāra
agar bedard bhī ho to mohabbat aa hī jaatī hai
butān-e-sīm-tan ke vasl se ham faiz paate haiñ
vo aate haiñ to apne ghar meñ daulat aa hī jaatī hai
tire ash.ār-e-rañgīñ se bhalā farhat na ho 'ahqar'
ki in phūloñ se ḳhushbū-e-fasāhat aa hī jaatī hai
دکھاتے ہیں ادا کچھ بھی تو آفت آ ہی جاتی ہے
سنبھل کر لاکھ چلتے ہیں قیامت آ ہی جاتی ہے
محبت میں ہیں صبر و شکر کے ہر چند ہم قائل
مگر کچھ کچھ کبھی لب پر شکایت آ ہی جاتی ہے
جو سچ پوچھو تو ہیں عاشق بھی پیرو نازنینوں کے
بدن میں ناتوانی سے نزاکت آ ہی جاتی ہے
مجاز اک پردۂ ادراک ہے تو چشم بینا کو
کسی صورت نظر شکل حقیقت آ ہی جاتی ہے
نہیں جذب دل عاشق سے ہے معشوق کو چارہ
اگر بے درد بھی ہو تو محبت آ ہی جاتی ہے
بتان سیمتن کے وصل سے ہم فیض پاتے ہیں
وہ آتے ہیں تو اپنے گھر میں دولت آ ہی جاتی ہے
ترے اشعار رنگیں سے بھلا فرحت نہ ہو احقرؔ
کہ ان پھولوں سے خوشبوئے فصاحت آ ہی جاتی ہے