ऐ जान हुस्न-ए-अफ़सर-ए-ख़ूबाँ तुम्हीं तो हो
मैं इक गदा-ए-इश्क़ हूँ सुल्ताँ तुम्हीं तो हो
पहूँची है आसमाँ पे तजल्ली जमाल की
कहते हैं लोग मेहर-ए-दरख़्शाँ तुम्हीं तो हो
सच सच ये कह रहा है तनासुख़ का मसअला
रूह-ए-अज़ीज़-ए-यूसुफ़-ए-कनआँ' तुम्हीं तो हो
आगे तुम्हारे सर्व है ग़ैरत से पा-ब-गुल
सहन-ए-चमन में सर्व-ए-ख़िरामाँ तुम्हीं तो हो
हर बात पर बिगड़ते हो रिंदों से शैख़-जी
सारे जहाँ में एक मुसलमाँ तुम्हीं तो हो
दिल मेरा ले के तुम ने खिलौना बना लिया
दुनिया में एक तिफ़्लक-ए-नादाँ तुम्हीं तो हो
बातों में सेहर चाल में महशर निगह में क़हर
साबित है इन से फ़ित्ना-ए-दौराँ तुम्हीं तो हो
दिल दे के तुम को क्यूँ न कहूँ माया-ए-हयात
मेरे जिगर तुम्हीं हो मिरी जाँ तुम्हीं तो हो
मद्दाह हों तुम्हारे न किस तरह हक़-पसंद
'अहक़र' बुतों के एक सना-ख़्वाँ तुम्हीं तो हो
ai jaan husn-e-afsar-e-ḳhūbāñ tumhīñ to ho
maiñ ik gadā-e-ishq huuñ sultāñ tumhīñ to ho
pahūñchī hai āsmāñ pe tajallī jamāl kī
kahte haiñ log mehr-e-daraḳhshāñ tumhīñ to ho
sach sach ye kah rahā hai tanāsuḳh kā mas.ala
rūh-e-azīz-e-yūsuf-e-kan.āñ tumhīñ to ho
aage tumhāre sarv hai ġhairat se pā-ba-gul
sahn-e-chaman meñ sarv-e-ḳhirāmāñ tumhīñ to ho
har baat par bigaḌte ho rindoñ se shaiḳh-jī
saare jahāñ meñ ek musalmāñ tumhīñ to ho
dil merā le ke tum ne khilaunā banā liyā
duniyā meñ ek tiflak-e-nādāñ tumhīñ to ho
bātoñ meñ sehr chaal meñ mahshar nigah meñ qahr
sābit hai in se fitna-e-daurāñ tumhīñ to ho
dil de ke tum ko kyuuñ na kahūñ māya-e-hayāt
mere jigar tumhīñ ho mirī jaañ tumhīñ to ho
maddāh hoñ tumhāre na kis tarah haq-pasand
'ahqar' butoñ ke ek sanā-ḳhvāñ tumhīñ to ho
اے جان حسن افسر خوباں تمہیں تو ہو
میں اک گدائے عشق ہوں سلطاں تمہیں تو ہو
پہونچی ہے آسماں پہ تجلی جمال کی
کہتے ہیں لوگ مہر درخشاں تمہیں تو ہو
سچ سچ یہ کہہ رہا ہے تناسخ کا مسئلہ
روح عزیز یوسف کنعاں تمہیں تو ہو
آگے تمہارے سرو ہے غیرت سے پا بہ گل
صحن چمن میں سرو خراماں تمہیں تو ہو
ہر بات پر بگڑتے ہو رندوں سے شیخ جی
سارے جہاں میں ایک مسلماں تمہیں تو ہو
دل میرا لے کے تم نے کھلونا بنا لیا
دنیا میں ایک طفلک ناداں تمہیں تو ہو
باتوں میں سحر چال میں محشر نگہ میں قہر
ثابت ہے ان سے فتنۂ دوراں تمہیں تو ہو
دل دے کے تم کو کیوں نہ کہوں مایۂ حیات
میرے جگر تمہیں ہو مری جاں تمہیں تو ہو
مداح ہوں تمہارے نہ کس طرح حق پسند
احقرؔ بتوں کے ایک ثنا خواں تمہیں تو ہو