'ख़िज़ाँ' में ख़ूबियाँ ऐसे बहुत हैं
ख़राबी एक है बनते बहुत हैं
कोई रस्ता कहीं जाए तो जानें
बदलने के लिए रस्ते बहुत हैं
नई दुनिया के सुंदर बन के अंदर
पुराने वक़्त के पौदे बहुत हैं
हुए जब से ज़माने भर के हम-राह
हम अपने साथ भी थोड़े बहुत हैं
लगावट है सितारों से पुरानी
रक़ाबत है मगर मिलते बहुत हैं
बहुत होगा तो ये सोचोगे शायद
कि हम भी थे यहाँ जैसे बहुत हैं
है सब सूरत का चक्कर, ख़्वाब मअनी
दिखाए हैं बहुत देखे बहुत हैं
जसारत दिल में क्या हो फ़न में क्या हो
मुलाज़िम-पेशा हैं डरते बहुत हैं
किसी से क्यूँ उलझते क्या उलझते
ये धागे ख़ुद-ब-ख़ुद उलझे बहुत हैं
थकन चारों तरफ़ है चलते जाओ
पहुँचता कौन है चलते बहुत हैं
ख़फ़ा हम से न हो ऐ चश्म-ए-जानाँ
हम इस अंदाज़ पर मरते बहुत हैं
कहो ये भी 'ख़िज़ाँ' कहने से पहले
जो कहते कुछ नहीं कहते बहुत हैं
'ḳhizāñ' meñ ḳhūbiyāñ aaise bahut haiñ
ḳharābī ek hai bante bahut haiñ
koī rasta kahīñ jaa.e to jāneñ
badalne ke liye raste bahut haiñ
na.ī duniyā ke sundar ban ke andar
purāne vaqt ke paude bahut haiñ
hue jab se zamāne bhar ke ham-rāh
ham apne saath bhī thoḌe bahut haiñ
lagāvaT hai sitāroñ se purānī
raqābat hai magar milte bahut haiñ
bahut hogā to ye sochoge shāyad
ki ham bhī the yahāñ jaise bahut haiñ
hai sab sūrat kā chakkar, ḳhvāb ma.anī
dikhā.e haiñ bahut dekhe bahut haiñ
jasārat dil meñ kyā ho fan meñ kyā ho
mulāzim-pesha haiñ Darte bahut haiñ
kisī se kyuuñ ulajhte kyā ulajhte
ye dhāge ḳhud-ba-ḳhud uljhe bahut haiñ
thakan chāroñ taraf hai chalte jaao
pahuñchtā kaun hai chalte bahut haiñ
ḳhafā ham se na ho ai chashm-e-jānāñ
ham is andāz par marte bahut haiñ
kaho ye bhī 'ḳhizāñ' kahne se pahle
jo kahte kuchh nahīñ kahte bahut haiñ
خزاںؔ میں خوبیاں ایسے بہت ہیں
خرابی ایک ہے بنتے بہت ہیں
کوئی رستہ کہیں جائے تو جانیں
بدلنے کے لیے رستے بہت ہیں
نئی دنیا کے سندر بن کے اندر
پرانے وقت کے پودے بہت ہیں
ہوئے جب سے زمانے بھر کے ہمراہ
ہم اپنے ساتھ بھی تھوڑے بہت ہیں
لگاوٹ ہے ستاروں سے پرانی
رقابت ہے مگر ملتے بہت ہیں
بہت ہوگا تو یہ سوچو گے شاید
کہ ہم بھی تھے یہاں جیسے بہت ہیں
ہے سب صورت کا چکر، خواب معنی
دکھائے ہیں بہت دیکھے بہت ہیں
جسارت دل میں کیا ہو فن میں کیا ہو
ملازم پیشہ ہیں ڈرتے بہت ہیں
کسی سے کیوں الجھتے کیا الجھتے
یہ دھاگے خود بہ خود الجھے بہت ہیں
تھکن چاروں طرف ہے چلتے جاؤ
پہنچتا کون ہے چلتے بہت ہیں
خفا ہم سے نہ ہو اے چشم جاناں
ہم اس انداز پر مرتے بہت ہیں
کہو یہ بھی خزاںؔ کہنے سے پہلے
جو کہتے کچھ نہیں کہتے بہت ہیں