ख़िज़ाँ मौसम में भी दिल को अगर शादाब रखना था
तो फिर वीरान आँखों में सुनहरे ख़्वाब रखना था
अँधेरी रात का मुश्किल सफ़र आसान हो जाता
नज़र में जल्वा-ए-ख़ुर्शीद-ए-‘आलम-ताब रखना था
जो कुछ पाना नहीं था सिर्फ़ खोना था मुक़द्दर में
'अबस नादान दिल को इस क़दर बेताब रखना था
ब-नाम-ए-फ़स्ल-ए-मुस्तक़बिल छिड़कना था लहू दिल का
ज़मीं बंजर सही फिर भी इसे शादाब रखना था
बला से टूट जाता अपने दिल का शीशा-ए-नाज़ुक
मगर हम को ख़याल-ए-ख़ातिर-ए-अहबाब रखना था
उजाले का तसव्वुर भी उजाले की बशारत है
अंधेरे घर में कोई किर्मक-ए-शब-ताब रखना था
इरादों की बुलंदी ने सहारा दे दिया दिल को
'उबैद' अपना क़दम हम को सर-ए-महताब रखना था
ḳhizāñ mausam meñ bhī dil ko agar shādāb rakhnā thā
to phir vīrān āñkhoñ meñ sunahre ḳhvāb rakhnā thā
añdherī raat kā mushkil safar āsān ho jaatā
nazar meñ jalva-e-ḳhurshīd-e-‘ālam-tāb rakhnā thā
jo kuchh paanā nahīñ thā sirf khonā thā muqaddar meñ
'abas nādān dil ko is qadar betāb rakhnā thā
ba-nām-e-fasl-e-mustaqbil chhīḌaknā thā lahū dil kā
zamīñ banjar sahī phir bhī ise shādāb rakhnā thā
balā se TuuT jaatā apne dil kā shīsha-e-nāzuk
magar ham ko ḳhayāl-e-ḳhātir-e-ahbāb rakhnā thā
ujāle kā tasavvur bhī ujāle kī bashārat hai
añdhere ghar meñ koī kirmak-e-shab-tāb rakhnā thā
irādoñ kī bulandī ne sahārā de diyā dil ko
'obaid' apnā qadam ham ko sar-e-mahtāb rakhnā thā
خزاں موسم میں بھی دل کو اگر شاداب رکھنا تھا
تو پھر ویران آنکھوں میں سنہرے خواب رکھنا تھا
اندھیری رات کا مشکل سفر آسان ہو جاتا
نظر میں جلوۂ خورشید عالم تاب رکھنا تھا
جو کچھ پانا نہیں تھا صرف کھونا تھا مقدر میں
عبث نادان دل کو اس قدر بیتاب رکھنا تھا
بہ نام فصل مستقبل چھڑکنا تھا لہو دل کا
زمیں بنجر سہی پھر بھی اسے شاداب رکھنا تھا
بلا سے ٹوٹ جاتا اپنے دل کا شیشۂ نازک
مگر ہم کو خیال خاطر احباب رکھنا تھا
اجالے کا تصور بھی اجالے کی بشارت ہے
اندھیرے گھر میں کوئی کرمک شب تاب رکھنا تھا
ارادوں کی بلندی نے سہارا دے دیا دل کو
عبیدؔ اپنا قدم ہم کو سر مہتاب رکھنا تھا