ख़ाना-ए-दिल काबा है ये कोई बुत-ख़ाना नहीं
बे-धड़क आ जाओ इस में कोई बेगाना नहीं
नग़्मा-ए-तौहीद हम से सुन के वाइज़ राग का
अपनी बीती है ये कुछ ग़ैरों का अफ़्साना नहीं
है ये काशाना किसी का अपना ये ख़ाकी वजूद
ऐ बरहमन ये बुतों का कोई बुत-ख़ाना नहीं
आँख से उस ने मिलाई आँख कैफ़िय्यत हुई
ये नशीली आँख है पुर मय से पैमाना नहीं
ज़िक्र से रिंदों के वाइज़ तू अभी वाक़िफ़ नहीं
ये तो हू-हक़ की सदा है शोर-ए-रिंदाना नहीं
आप ही के दम-क़दम से घर मिरा आबाद है
ख़ाना-ए-दिल आप का है कोई वीराना नहीं
ऐन-मस्ती में भी रहता है उसे पास-ए-अदब
हाँ बड़ा हुशियार है कुछ 'शाद' दीवाना नहीं
ḳhāna-e-dil ka.aba hai ye koī but-ḳhāna nahīñ
be-dhaḌak aa jaao is meñ koī begāna nahīñ
naġhma-e-tauhīd ham se sun ke vaa.iz raag kā
apnī biitī hai ye kuchh ġhairoñ kā afsāna nahīñ
hai ye kāshāna kisī kā apnā ye ḳhākī vajūd
ai barahman ye butoñ kā koī but-ḳhāna nahīñ
aañkh se us ne milā.ī aañkh kaifiyyat huī
ye nashīlī aañkh hai pur mai se paimāna nahīñ
zikr se rindoñ ke vaa.iz tū abhī vāqif nahīñ
ye to hū-haq kī sadā hai shor-e-rindāna nahīñ
aap hī ke dam-qadam se ghar mirā ābād hai
ḳhāna-e-dil aap kā hai koī vīrāna nahīñ
ain-mastī meñ bhī rahtā hai use pās-e-adab
haañ baḌā hushiyār hai kuchh 'shād' dīvāna nahīñ
خانۂ دل کعبہ ہے یہ کوئی بت خانہ نہیں
بے دھڑک آ جاؤ اس میں کوئی بیگانہ نہیں
نغمۂ توحید ہم سے سن کے واعظ راگ کا
اپنی بیتی ہے یہ کچھ غیروں کا افسانہ نہیں
ہے یہ کاشانہ کسی کا اپنا یہ خاکی وجود
اے برہمن یہ بتوں کا کوئی بت خانہ نہیں
آنکھ سے اس نے ملائی آنکھ کیفیت ہوئی
یہ نشیلی آنکھ ہے پر مے سے پیمانہ نہیں
ذکر سے رندوں کے واعظ تو ابھی واقف نہیں
یہ تو ہو حق کی صدا ہے شور رندانہ نہیں
آپ ہی کے دم قدم سے گھر مرا آباد ہے
خانۂ دل آپ کا ہے کوئی ویرانہ نہیں
عین مستی میں بھی رہتا ہے اسے پاس ادب
ہاں بڑا ہشیار ہے کچھ شادؔ دیوانہ نہیں