कौन सी शाख़ का पत्ता था हरा भूल गया
पेड़ से टूट के मैं अपना पता भूल गया
मैं कोई वा’दा-फ़रामोश नहीं हूँ फिर भी
मुझ पे इल्ज़ाम है मैं अपना कहा भूल गया
अपने बच्चों के खिलौने तो उसे याद रहे
घर में बीमार पड़ी माँ की दवा भूल गया
कर तो दीं मैं ने चराग़ों की क़तारें रौशन
है ज़माने की मगर तेज़ हवा भूल गया
ख़ौफ़-ए-दोज़ख़ से डराता रहा वा'इज़ मुझ को
और ख़ुद अपने गुनाहों की सज़ा भूल गया
तुझ से कुछ काम था लेकिन तिरे घर के आगे
अब खड़ा सोच रहा हूँ कि मैं क्या भूल गया
बे-ख़ुदी हद से जो गुज़री तो मैं इक रोज़ 'नफ़स'
घर से क्या निकला कि फिर घर का पता भूल गया
kaun sī shāḳh kā pattā thā harā bhuul gayā
peḌ se Tuut ke maiñ apnā pata bhuul gayā
maiñ koī vā’da-farāmosh nahīñ huuñ phir bhī
mujh pe ilzām hai maiñ apnā kahā bhuul gayā
apne bachchoñ ke khilaune to use yaad rahe
ghar meñ bīmār paḌī maañ kī davā bhuul gayā
kar to diiñ maiñ ne charāġhoñ kī qatāreñ raushan
hai zamāne kī magar tez havā bhuul gayā
ḳhauf-e-dozaḳh se Darātā rahā vā'iz mujh ko
aur ḳhud apne gunāhoñ kī sazā bhuul gayā
tujh se kuchh kaam thā lekin tire ghar ke aage
ab khaḌā soch rahā huuñ ki maiñ kyā bhuul gayā
be-ḳhudī had se jo guzrī to maiñ ik roz 'nafas'
ghar se kyā niklā ki phir ghar kā pata bhuul gayā
کون سی شاخ کا پتا تھا ہرا بھول گیا
پیڑ سے ٹوٹ کے میں اپنا پتہ بھول گیا
میں کوئی وعدہ فراموش نہیں ہوں پھر بھی
مجھ پہ الزام ہے میں اپنا کہا بھول گیا
اپنے بچوں کے کھلونے تو اسے یاد رہے
گھر میں بیمار پڑی ماں کی دوا بھول گیا
کر تو دیں میں نے چراغوں کی قطاریں روشن
ہے زمانے کی مگر تیز ہوا بھول گیا
خوف دوزخ سے ڈراتا رہا واعظ مجھ کو
اور خود اپنے گناہوں کی سزا بھول گیا
تجھ سے کچھ کام تھا لیکن ترے گھر کے آگے
اب کھڑا سوچ رہا ہوں کہ میں کیا بھول گیا
بے خودی حد سے جو گزری تو میں اک روز نفسؔ
گھر سے کیا نکلا کہ پھر گھر کا پتہ بھول گیا