कसरत-ए-तमाशा को वहदत-आश्ना पाया
हस्ती-ए-फ़ना में भी जल्वा-ए-बक़ा पाया
क्या हुआ ख़िज़र ने जो चश्मा-ए-बक़ा पाया
जीने पर मरे तो क्या जीने का मज़ा पाया
जज़्बा-ए-नज़ारा है आँख की ख़ता क्या है
का'बे में सनम देखा दैर में ख़ुदा पाया
ख़ूँ हुआ तमन्ना का ज़ुल्म सर-बसर देखा
दिल को इम्तिहाँ में भी सब्र-आज़मा पाया
हो गया है कसरत में राज़ आश्कार उस का
शान हर जगह देखी जल्वा जा-ब-जा पाया
दर्द से हुईं पैदा दिल में सौ तमन्नाएँ
ज़िंदगी-ए-लज़्ज़त को दर्द-आश्ना पाया
पर्दा-दर ख़मोशी है बे-हिजाब आँखें हैं
राज़-ए-बज़्म-ए-दुश्मन का हम ने कुछ पता पाया
हुस्न की कशिश ही में रहबरी की क़ुव्वत थी
गुमरहान-ए-उल्फ़त ने राह का पता पाया
राज़ हो गया इफ़्शा उठ गया हिजाब आख़िर
आँख से छुपे तो क्या दिल में ज़ाहिरा पाया
याद आ गया दिल को फिर अलस्त का पैमाँ
फिर जबीं को का'बा से सज्दा-आश्ना पाया
इश्क़ क्या किया हम ने सख़्तियाँ सदा झेलीं
दिल को हर मुसीबत में जुरअत-आज़मा पाया
मो'जिज़ा अदब का है 'शाद' हर कलाम अपना
नुक्ता-रस तबीअ'त ने नुत्क़ क्या रसा पाया
kasrat-e-tamāshā ko vahdat-āshnā paayā
hastī-e-fanā meñ bhī jalva-e-baqā paayā
kyā huā ḳhizar ne jo chashma-e-baqā paayā
jiine par mare to kyā jiine kā mazā paayā
jazba-e-nazāra hai aañkh kī ḳhatā kyā hai
ka.abe meñ sanam dekhā dair meñ ḳhudā paayā
ḳhuuñ huā tamanna kā zulm sar-basar dekhā
dil ko imtihāñ meñ bhī sabr-āzmā paayā
ho gayā hai kasrat meñ raaz āshkār us kā
shaan har jagah dekhī jalva jā-ba-jā paayā
dard se huiiñ paidā dil meñ sau tamannā.eñ
zindagī-e-lazzat ko dard-āshnā paayā
parda-dar ḳhamoshī hai be-hijāb āñkheñ haiñ
rāz-e-bazm-e-dushman kā ham ne kuchh patā paayā
husn kī kashish hī meñ rahbarī kī quvvat thī
gumrahān-e-ulfat ne raah kā patā paayā
raaz ho gayā ifshā uTh gayā hijāb āḳhir
aañkh se chhupe to kyā dil meñ zāhirā paayā
yaad aa gayā dil ko phir alast kā paimāñ
phir jabīñ ko ka.aba se sajda-āshnā paayā
ishq kyā kiyā ham ne saḳhtiyāñ sadā jhelīñ
dil ko har musībat meñ jur.at-āzmā paayā
mo.ajiza adab kā hai 'shād' har kalām apnā
nukta-ras tabī.at ne nutq kyā rasā paayā
کثرت تماشا کو وحدت آشنا پایا
ہستیٔ فنا میں بھی جلوۂ بقا پایا
کیا ہوا خضر نے جو چشمۂ بقا پایا
جینے پر مرے تو کیا جینے کا مزا پایا
جذبۂ نظارہ ہے آنکھ کی خطا کیا ہے
کعبہ میں صنم دیکھا دیر میں خدا پایا
خوں ہوا تمنا کا ظلم سربسر دیکھا
دل کو امتحاں میں بھی صبر آزما پایا
ہو گیا ہے کثرت میں راز آشکار اس کا
شان ہر جگہ دیکھی جلوہ جا بجا پایا
درد سے ہوئیں پیدا دل میں سو تمنائیں
زندگئ لذت کو درد آشنا پایا
پردہ در خموشی ہے بے حجاب آنکھیں ہیں
راز بزم دشمن کا ہم نے کچھ پتا پایا
حسن کی کشش ہی میں رہبری کی قوت تھی
گمرہان الفت نے راہ کا پتا پایا
راز ہو گیا افشا اٹھ گیا حجاب آخر
آنکھ سے چھپے تو کیا دل میں ظاہرا پایا
یاد آ گیا دل کو پھر الست کا پیماں
پھر جبیں کو کعبہ سے سجدہ آشنا پایا
عشق کیا کیا ہم نے سختیاں سدا جھیلیں
دل کو ہر مصیبت میں جرأت آزما پایا
معجزہ ادب کا ہے شادؔ ہر کلام اپنا
نکتہ رس طبیعت نے نطق کیا رسا پایا