करेंगे क़स्द हम जिस दम तुम्हारे घर में आवेंगे
जो होगी उम्र भर की राह तो दम भर में आवेंगे
अगर हाथों से उस शीरीं-अदा के ज़ब्ह होंगे हम
तो शर्बत के से घूँट आब-ए-दम-ए-ख़ंजर में आवेंगे
यही गर जोश-ए-गिर्या है तो बह कर साथ अश्कों के
हज़ारों पारा-ए-दिल मेरे चश्म-ए-तर में आवेंगे
गर इस क़ैद-ए-बला से अब की छूटेंगे तो फिर हरगिज़
न हम दाम-ए-फ़रेब-ए-शोख़-ए-ग़ारत-गर में आवेंगे
न जाते गरचे मर जाते जो हम मालूम कर जाते
कि इतना तंग जा कर कूचा-ए-दिलबर में आवेंगे
गरेबाँ-चाक लाखों हाथ से उस मेहर-ए-तलअत के
ब-रंग-ए-सुब्ह-ए-महशर अरसा-ए-महशर में आवेंगे
जो सरगरदानी अपनी तेरे दीवाने दिखाएँगे
तो फिर क्या क्या बगूले दश्त के चक्कर में आवेंगे
'ज़फ़र' अपना करिश्मा गर दिखाया चश्म-ए-साक़ी ने
तमाशे जाम-ए-जम के सब नज़र साग़र में आवेंगे
kareñge qasd ham jis dam tumhāre ghar meñ āveñge
jo hogī umr bhar kī raah to dam bhar meñ āveñge
agar hāthoñ se us shīrīñ-adā ke zab.h hoñge ham
to sharbat ke se ghūñT āb-e-dam-e-ḳhanjar meñ āveñge
yahī gar josh-e-girya hai to bah kar saath ashkoñ ke
hazāroñ pāra-e-dil mere chashm-e-tar meñ āveñge
gar is qaid-e-balā se ab kī chhūTeñge to phir hargiz
na ham dām-e-fareb-e-shoḳh-e-ġhārat-gar meñ āveñge
na jaate garche mar jaate jo ham mālūm kar jaate
ki itnā tañg jā kar kūcha-e-dilbar meñ āveñge
garebāñ-chāk lākhoñ haath se us mehr-e-tal.at ke
ba-rañg-e-sub.h-e-mahshar arsa-e-mahshar meñ āveñge
jo sargardānī apnī tere dīvāne dikhā.eñge
to phir kyā kyā bagūle dasht ke chakkar meñ āveñge
'zafar' apnā karishma gar dikhāyā chashm-e-sāqī ne
tamāshe jām-e-jam ke sab nazar sāġhar meñ āveñge
کریں گے قصد ہم جس دم تمہارے گھر میں آویں گے
جو ہوگی عمر بھر کی راہ تو دم بھر میں آویں گے
اگر ہاتھوں سے اس شیریں ادا کے ذبح ہوں گے ہم
تو شربت کے سے گھونٹ آب دم خنجر میں آویں گے
یہی گر جوش گریہ ہے تو بہہ کر ساتھ اشکوں کے
ہزاروں پارۂ دل میرے چشم تر میں آویں گے
گر اس قید بلا سے اب کی چھوٹیں گے تو پھر ہرگز
نہ ہم دام فریب شوخ غارت گر میں آویں گے
نہ جاتے گرچہ مر جاتے جو ہم معلوم کر جاتے
کہ اتنا تنگ جا کر کوچہ دلبر میں آویں گے
گریباں چاک لاکھوں ہاتھ سے اس مہر طلعت کے
برنگ صبح محشر عرصۂ محشر میں آویں گے
جو سرگردانی اپنی تیرے دیوانے دکھائیں گے
تو پھر کیا کیا بگولے دشت کے چکر میں آویں گے
ظفرؔ اپنا کرشمہ گر دکھایا چشم ساقی نے
تماشے جام جم کے سب نظر ساغر میں آویں گے