कहूँ किस से ब-जुज़ तेरे ख़ुदाया आरज़ू दिल की
मुराद अपनी हमेशा तुझ से ही बस मैं ने हासिल की
सँभलना होता मुश्किल ग़ैर हालत होती क़ातिल की
बहुत अच्छा हुआ देखी तड़प उस ने न बिस्मिल की
तू ही मा'बूद है मेरा तू ही मतलूब है मेरा
यही मतलूब है मुझ को तमन्ना है यही दिल की
ग़रज़ तौफ़-ए-हरम से क्या हर इक ज़र्रे में है जल्वा
ज़रूरत कुछ नहीं सालिक को इस वीरान मंज़िल की
अगर चाहे कि औज-ए-बख़्त हासिल हो नसीहत सुन
वफ़ूर-ए-ख़ाकसारी से ये दौलत सब ने हासिल की
ग़ज़ब है इम्तिहाँ में मेरे आगे क़त्ल हो कोई
गले पर फेर लूँगा छीन कर तलवार क़ातिल की
ख़िज़ाँ में देख कर रंग-ए-चमन क्या रंज होता है
दुखा देती हैं दिल को हाए फ़रियादें अनादिल की
ज़रा ठहरो फ़रिश्तो कुछ तो याँ आराम लेने दो
उठा कर आ रहा हूँ सख़्तियाँ हस्ती की मंज़िल की
कभी बेचैन रहता है फड़कता है कभी बर में
बताऊँ क्या तुम्हें मैं कैसी हालत है मिरे दिल की
मकाँ में मेरे तुम आए बड़ी ये मेहरबानी की
यही ख़्वाहिश तमन्ना भी यही थी बस मिरे दिल की
जिसे सब 'शाद' कहते हैं तिरे दर का भिकारी है
करेगा तू ही या-रब पूरी हाजत अपने साइल की
kahūñ kis se ba-juz tere ḳhudāyā aarzū dil kī
murād apnī hamesha tujh se hī bas maiñ ne hāsil kī
sañbhalnā hotā mushkil ġhair hālat hotī qātil kī
bahut achchhā huā dekhī taḌap us ne na bismil kī
tū hī ma.abūd hai merā tū hī matlūb hai merā
yahī matlūb hai mujh ko tamanna hai yahī dil kī
ġharaz tauf-e-haram se kyā har ik zarre meñ hai jalva
zarūrat kuchh nahīñ sālik ko is vīrān manzil kī
agar chāhe ki auj-e-baḳht hāsil ho nasīhat sun
vafūr-e-ḳhāksārī se ye daulat sab ne hāsil kī
ġhazab hai imtihāñ meñ mere aage qatl ho koī
gale par pher lūñgā chhīn kar talvār qātil kī
ḳhizāñ meñ dekh kar rang-e-chaman kyā ranj hotā hai
dukhā detī haiñ dil ko haa.e fariyādeñ anādil kī
zarā Thahro farishto kuchh to yaañ ārām lene do
uThā kar aa rahā huuñ saḳhtiyāñ hastī kī manzil kī
kabhī bechain rahtā hai phaḌaktā hai kabhī bar meñ
batā.ūñ kyā tumheñ maiñ kaisī hālat hai mire dil kī
makāñ meñ mere tum aa.e baḌī ye mehrbānī kī
yahī ḳhvāhish tamanna bhī yahī thī bas mire dil kī
jise sab 'shād' kahte haiñ tire dar kā bhikārī hai
karegā tū hī yā-rab puurī hājat apne saa.il kī
کہوں کس سے بجز تیرے خدایا آرزو دل کی
مراد اپنی ہمیشہ تجھ سے ہی بس میں نے حاصل کی
سنبھلنا ہوتا مشکل غیر حالت ہوتی قاتل کی
بہت اچھا ہوا دیکھی تڑپ اس نے نہ بسمل کی
تو ہی معبود ہے میرا تو ہی مطلوب ہے میرا
یہی مطلوب ہے مجھ کو تمنا ہے یہی دل کی
غرض طوف حرم سے کیا ہر اک ذرے میں ہے جلوہ
ضرورت کچھ نہیں سالک کو اس ویران منزل کی
اگر چاہے کہ اوج بخت حاصل ہو نصیحت سن
وفور خاکساری سے یہ دولت سب نے حاصل کی
غضب ہے امتحاں میں میرے آگے قتل ہو کوئی
گلے پر پھیر لوں گا چھین کر تلوار قاتل کی
خزاں میں دیکھ کر رنگ چمن کیا رنج ہوتا ہے
دکھا دیتی ہیں دل کو ہائے فریادیں عنادل کی
ذرا ٹھہرو فرشتو کچھ تو یاں آرام لینے دو
اٹھا کر آ رہا ہوں سختیاں ہستی کی منزل کی
کبھی بے چین رہتا ہے پھڑکتا ہے کبھی بر میں
بتاؤں کیا تمہیں میں کیسی حالت ہے مرے دل کی
مکاں میں میرے تم آئے بڑی یہ مہربانی کی
یہی خواہش تمنا بھی یہی تھی بس مرے دل کی
جسے سب شادؔ کہتے ہیں ترے در کا بھکاری ہے
کرے گا تو ہی یا رب پوری حاجت اپنے سائل کی