कहिए अब किस से दर्द-ए-पिन्हानी
इक शब-ए-हिज्र वो भी तूलानी
एक बाक़ी रहेगी उस की ज़ात
सारा आलम है आनी-ओ-फ़ानी
जाम-ए-जमशेद बे-हक़ीक़त है
साक़िया दे शराब-ए-रैहानी
दिल में उस की न होगी क्यूँकर चाह
उस का जल्वा है हुस्न-ए-कनआनी
दिल के आईने में उसे देखा
बढ़ गई और मेरी हैरानी
वहदहू-ला-शरीक-लह के सिवा
सज्दा किस को करे ये पेशानी
वो निगहबान अपना है हर दम
ख़ूब उसे आती है निगहबानी
उस के दरबार में गुज़र क्या हो
ये फ़क़ीर और बज़्म-ए-सुल्तानी
आते आते ब-मुश्किल आती है
कोई आसाँ नहीं ज़बाँ-दानी
क्या करेगा इलाज इस का मसीह
क्या सुनाऊँ मैं दर्द-ए-पिन्हानी
वही मुश्किल करेगा आसाँ 'शाद'
शादमानी में है सब आसानी
kahiye ab kis se dard-e-pinhānī
ik shab-e-hijr vo bhī tūlānī
ek baaqī rahegī us kī zaat
saarā aalam hai āni-o-fānī
jām-e-jamshed be-haqīqat hai
sāqiyā de sharāb-e-raihānī
dil meñ us kī na hogī kyūñkar chaah
us kā jalva hai husn-e-kan.ānī
dil ke ā.īne meñ use dekhā
baḌh ga.ī aur merī hairānī
vahdahū-lā-sharīka-lah ke sivā
sajda kis ko kare ye peshānī
vo nigahbān apnā hai har dam
ḳhuub use aatī hai nigahbānī
us ke darbār meñ guzar kyā ho
ye faqīr aur bazm-e-sultānī
aate aate ba-mushkil aatī hai
koī āsāñ nahīñ zabāñ-dānī
kyā karegā ilaaj is kā masīh
kyā sunā.ūñ maiñ dard-e-pinhānī
vahī mushkil karegā āsāñ 'shād'
shādmānī meñ hai sab āsānī
کہیے اب کس سے درد پنہانی
اک شب ہجر وہ بھی طولانی
ایک باقی رہے گی اس کی ذات
سارا عالم ہے آنی و فانی
جام جمشید بے حقیقت ہے
ساقیا دے شراب ریحانی
دل میں اس کی نہ ہوگی کیونکر چاہ
اس کا جلوہ ہے حسن کنعانی
دل کے آئینہ میں اسے دیکھا
بڑھ گئی اور میری حیرانی
وحدہ لا شریک لہ کے سوا
سجدہ کس کو کرے یہ پیشانی
وہ نگہبان اپنا ہے ہر دم
خوب اسے آتی ہے نگہبانی
اس کے دربار میں گزر کیا ہو
یہ فقیر اور بزم سلطانی
آتے آتے بہ مشکل آتی ہے
کوئی آساں نہیں زباں دانی
کیا کرے گا علاج اس کا مسیح
کیا سناؤں میں درد پنہانی
وہی مشکل کرے گا آساں شادؔ
شادمانی میں ہے سب آسانی